JEREMIAH 20:16 - Cho Bible Common Language 2016

¹⁶ Cun ah chang cu Bawipa naw am gein kaa ah amdi ah mang gaw gui ah mäih ah kya sä. Ani naw kho ngawitäng ah m’neh ne ng’hlo ei nak cu ng’ya sä, kho hnüüp yah ung ng’tuk nak ah k’aw cu ng’ya sä,

JEREMIAH 20:16 Referans Kwoze

JEREMIAH 18:22

Ami im gui tu ne phyek khai gui ah chang bum cu kä m’thein gui ah tüi law gui ä; kyi kyawk ne kyah sak gui ä. Ngami naw kei ah ng’kiak nak vai ah khui shawk u ne, ami nap ha nak vai ah cuun cuung ci gui nei.

THULÄÄN NAK 29:23

Khaw lo gui cu käu ne maih khai la m’shi naw küm khai. A i geit na kä gah vai. Khumghaw phi cun ung kä pyou hlawt khai. Nami khaw cu Bawipa naw aknui ah amlungshe yah ung amdi ah Sodom la komorrah, Admah la Zeboiim mang gaw gui ah mäih ah kyak khai.

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

2 PETER 2:6

Khanpughi naw Sodom la Komorrah cu mei awn m’khih ne m’di ci, cun cu kä yum ci gui ah chang khan ah gawk lawk khai ah mawng am dang nak ah kyak ci.

LUKA 17:29

Sodom ungka Lotah ang düih law hnüüp ung khankho ah kaa yam mei kho aa law sei, chang gui avan dimaih yawp ci gui.

ZEPHANIAH 2:9

Kei cu akcang ah ghing ciah Bawipa, Israel ah Khanpughi ah ka kyak ci, Moab la Ammon cu Sodom la Komorrah ah mäih ah kei naw ka m’di khai ah ka k’bäi ci. Ngami cu m’shi tui ah li nak, angtäi sei shekat nak la ng’hling ah phung nak ah kyak khai gui. Pawih ba cih ka chang gui naw ngami cu näng gui ne ami khaw phi khäm khai gui.”

ZEPHANIAH 1:16

ng’tuk nak phyungheng tum k’aw be ne, gakap gui naw mang küi ami tuk nak la tänghän hlüng ami plawh nak ah k’aw gui ng’shan khai.

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

JONAH 3:4

Jonah cu mang gaw kyong ah lut ne hnüüp ät mü ne a hteh kawn ah, ani naw ng’thu shäu ci. A hnüüp phlikip ung Nineveh mang gaw cu dimaih khai nei!” cik ci.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

AMOS 2:2

Kei naw Moab khaw ah khan ah mei yuk chah ne, Kerioth ah mang paang cu ka m’khih khai. Ami ng’tuk nak ng’güt nak ung Moab chang gui cu sik khai gui. Cun yah ung gakap gui cu m’lau pyaang khai gui, phyungheng gui cu ng’shan khai.

AMOS 1:14

Cun ah kyasei kei naw Rabbah mang gaw paang ah khan ah mei ka yuk chah khai, amang paang cu ka m’khih khai. Ng’tuk nak ah khaw hnüüp ung m’lau pyaan nak om khai, ami ng’tawh cu pui khokhi ah mäih ah ng’hmum khai.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

HOSEA 10:14

ng’tuk nak cu nami chang gui ah gawk law khai, Nami pigaw khäng gui avan cu di khai gui. Cun ah hnüüp cu ghangpughang shalman naw ng’tuk nak ung betharbel a mang gaw cu m’di ne, hnumi gui la ami hta nau gui güüt ne a ngawn gui ah mäih ah kyak ci.

EZEKIEL 21:22

Tuhbäi! Jerusalem ciah m’hnüt ah m’la cu ani ah akpat täng kut ung k’paang lawk ci. Acun naw hteit ne ng’tuk nak singtawn pyan vai, ng’tuk vai ah m’lau vai, m’kawt gui hnungtuk ne shung nak tung gui tha vai, m’dek khui gui cawh vai, myawng gui cawh vai ah ani am m’thein ci.

JEREMIAH 26:13

Nangmi naw nami om ih la nami bilawh gui cu nami m’thawng vai nei, Bawipa nami khanpughi cu nami ngaih vai nei. A cun ah nami bi ah a kyak ung nangmi ah khan ah alaw püi vai a pyen ah m’dii m’shum nak ah mawng ung ani naw am’lung m’thawng khai nei.

JEREMIAH 18:8

Cun ung phi cun ah pakhui khaw cu ashetkat nak ungka ang hlah law ba ah a kyak ung, kei naw ka bi vai ah ka pyen cu kä ka bik khai nei.

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

NG’ÄI KYAH 4:6

Kei ah ka chang gui cu sodom ung chang gui ah ta nui pi khai ah m’kyuk nak gah ci gui. Acun naw Khanpughi ah kut ungka ang ghit yung kyak nak cu bui ci.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

THULÄÄN NAK 29:22

“Lawk ciah ng’shon gui ung nami htangshon gui la khaw shou nak ah kaa khaw hei chang gui naw Nami khaw ah khan ah Bawipa naw a law püi ah leigai gui la yaica nak gui cu hmuk khai gui.