JEREMIAH 20:11 - Cho Bible Common Language 2016

¹¹ Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

JEREMIAH 20:11 Referans Kwoze

JEREMIAH 1:8

Nang naw kä na kyih en gui vai, kei naw nang ning om püi ne ka ning shung vong khai, kei Bawipa naw ka pyen ci.”

JEREMIAH 15:20

Nang naw ngami na näng nak gui vai ah m’liu ciah kyei k’paang ah mäih ah ka ning pyang khai. Ngami naw ning tuk khai gui, cun ung phi kä ning hnim hlawt khai gui. Kei naw nang cu ning shungvong ne k’pang ne ka ning phiawn khai.

JEREMIAH 17:18

Kei na dukdeiu nak ci gui ah khan ah thüisei nak law püi ä. Cun ung phi Bawipa, kei cu nak pawih na ä. Ngami cu kyihkyawk nak awn be sak gui ä, cun ung phi kei cu kä na kyihkyawk sak en ä. Ngami ah khan ah leigai law püi ne, akhui k’pii ah kyak sak gui ä.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 6:10

Kei ah ka ga gui cu lüng’aa ne, di nak gah khai gui nei; Ngami cu ng’hlat ba u ne, ang ghit ah thei ng’aa kahi gui nei.

SAM 40:14

Kei na ngawn khai ah pawng ci gui cu akbe ah shung u ne, thüi ng’a u sä. Kei ah geinvai ah phäh ah yeikyai ci gui cu ng’lat ba ne lü ng’a u sä.

SAM 35:26

Kei ah ka geinvai ah phäh ah yei gaih ci gui cu, didap ne gawgan u sä; Kei ah ni pi ciah pyen ne, ng’taam ci gui cu, lü ng’a ne, thüi sei u sä.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

JEREMIAH 23:40

Kei naw ngami ah khan ah angtäi lung aa nak la thüisei nak cu ka law püi khai, cun cu kä m’hnih hlawt vai kyak khai nei.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

ISAIAH 45:16

A gup pyang ci gui ami van cu lü ng’aa khai gui; ngami ami van cu thüi hmai khai gui nei.

SAM 66:5

Khanpughi ah bi, chang ah ng’lung ah cäicat vai ah a hlün thawh cu, law ne teng law vä.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

SAM 65:5

Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.

SAM 47:2

Bawipa, A hlüngtai pibäih cu kyih aa vai kyak ci nei; ani cu küikyang ciah ghangpughang, M’dekhan avan uk ciah kyak ci nei.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

SAM 129:2

“Kei ka hmaw sangung tün ne, ka ga gui naw akshe ah na dukdeiu nak ci gui, cun ung phi ngami naw kä na näng hlawt ci gui.

JEREMIAH 15:15

Cun kawn ah kei naw, “BAWIPA, nang naw nah mat ci. Na shüm ba ne na m’htei htang ä. Na k’dudei nak ci gui ah khan ah phu na tuk sak ä. Ngami naw kei na näng ne ami na ngawn güt nang naw kä hnim gei en ä. Kei ami na shedam nak cu nang ah hmawk ah kyak ci, cicu shüm ba ä.

JEREMIAH 22:22

Nami ng’vaihta gui cu khokhi naw zon gui khai, nami khawt püi gui cu ng’tuk nak ung pha ne chumne hteh püi gui khai gui; Nami ah mang gaw cu a thangshe sei thui ng’aa khai a i ah kyasei ci ung nangmi naw akshe nami bi gui avan ah phäh ah kyak ci.

JEREMIAH 32:18

Nang naw ng’täi ciah na m’hni nak cu chang phia khak am na m’dang ci, cun ung phi chang gui ami nupa ah katnak ah phäh ah nang naw na m’kyuk gui ci. Nang cu dämduh ne huham ah ciah khanpughi ah na kyak ci, nang cu m’gäi ciah Bawipa ah na kyak ci.

JEREMIAH 1:18

“Ngai ä, Jeremiah! Shin ah khaw chang nü, bawi gui, taigü gui la chang gui-naw ning hnungtuk khai gui nei. Cunung phi cun gui na m’khät nak vai ah k’thagui cu tuhngawi kei naw ka ning pek ci; nang cu khäng sei k’paang ah mäh ah na kyak khai. Ngami naw nang kä ning hmim hlawt khai gui, kei naw nang ning ompüi ne, ka ning shungvong khai. Kei, Bawipa naw ka pyen ci.