JEREMIAH 2:7 - Cho Bible Common Language 2016

⁷ Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.

JEREMIAH 2:7 Referans Kwoze

JEREMIAH 16:18

Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

KHEI NAK 13:27

Ngami naw Moses am, “Keimi naw khaw cu kami däät pyi ci. Bämang ci, anglei nik ci, shin cu cun ah khaw ung am theih amshah nei.

EZEKIEL 36:17

ani naw pyen ci, “Hnicim chang, Israel chang gui cu ami khaw ung ami om sang ung, ngami naw ami om ih la ami hnünthawh awn ami khaw cu lelawi sak ci gui. Kei naw ngami ah om ih cu ka hmat ci, ngami cu hnumi a chashüi a law yah ung a kyak ah mäih ah kyak ci gui.

JEREMIAH 3:9

ani cu kä ng’aa oang ci. Ani naw khongleo lelawi sak ne, lung gui sing gui khawihnah ne, shemshai shetkat nak bik ci.

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

MIKHAH 2:10

Tho ne hteit vä, shin ung phyawn nak vai kä om ba ci nei. Shin ah hmun cu nak katnak naw ng’yiin sak ne di sak ci nei.

EZEKIEL 20:6

Acun ah khin ung kei naw Egypt ungka ka la ba gui khai ah shaitak ne, ngami ah phäh ah ka ghü ah khaw ung ka hteh püi ba gui khai ah ka pyen ci, cun cu ng’büh mang ne ang lei nik ci, khaw avan ung aknipi ah kyak ci.

NEHEMIAH 9:25

Na chang gui naw khäng ciah mang gaw gui, anglei nik ciah khaw, khawh be ciah im gui, cawh pyi ah tui shawk gui, olive sing gui, theih ciah sing gui, la sapyit dum gui cu khäm ci gui nei. Ngami cu ami ei hlü ei u ne plan lawk ci gui; nang naw na pek gui ah akni gui avan awn yeikyai ci gui.

THULÄÄN NAK 21:23

Cun cu mü lüng ne a cu ah kä nawng vai. A cu hnüüp ung m’cim vai. Aksi ah pumsa k’tung ung bah naw khomdek khan ah Khanpughi ah plah taam nak law püi ci. Aksi ah pumsa cu m’cim vai, cun ung Bawipa nami Khanpughi ah ning pek gui ah khaw cu nangmi naw kä nami lelawi sak khai.

THULÄÄN NAK 6:18

Bawipa ah pyan cu bä ne nik ci kyasei, acun ah nami bi vai. Cun ung avan cu nangmi ung bä khai nei. Nami pupa gui am Bawipa naw shai atak ah anglei nik ciah khaw ung khawh c u nangmi naw nami gah khai.

JEREMIAH 3:2

Khaw m’htun gui cä teng vä. Pawzam ciah mäih ah nami hnünthawh nak ah kä kyak ciah hmun om ne ang? Arab naw khaw ng’gau khaw ung a guttep vai ah ngäng ah mäih ah nang naw lampei pum ung na m’hni gui cu na ngäng ci nei. Nangmi naw nami pawmya nak awn kho avan nami pawmya sak ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 32:30

Israel chang gui la Judah chang gui ah ami shonlam ava tüi nak ge ung tün ne ngami naw kü na yei na u ne, ami bilawh gui awn kei cu nam lungshe sak ci gui.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

THULÄÄN NAK 32:9

Cun ung phi Jakob ah htangshon gui cu, amät ah hmawk ah ghü gui ci.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

ISAIAH 19:25

M’gäi ciah Bawipa naw hriham pe gui neta pyen khai, “Kei naw hriham ka ning pe gui khai, Egypt, ka chang gui; Assiria, ka ning tüi sho gui; Israel, ka chang ghü gui.”

EZEKIEL 20:24

Cun ah a i ah kyasei ka bi ci ung, ngami naw ka thumkhän gui hnu na u ne, ka thukhän gui m’shet u ne, kyiin hnüüp cu a i ah kä ngai u ne, ami pupa gui naw ami khawihnah man ah acun ah agup gui bä ami khawihnah ah phäh ah kyak ci.

EZEKIEL 23:35

Tuhbäi shin cu uktu Bawipa naw a pyen nei: Nangmi naw kei na m’hnih ne nami na ng’hlah tak ah phäh ah, nami htuk htik la nami pawmzau ah phäh ah nami yaica khai.” Ng’pai nam goi Ani nik hnih ah khan ah khanpughi ah ng’thumcha nak