JEREMIAH 2:6 - Cho Bible Common Language 2016

⁶ Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

JEREMIAH 2:6 Referans Kwoze

THULÄÄN NAK 32:10

“Ani naw ngami cu bungpuk ah ng’vak shui u sei hmu gui ci. Cun cu chang ah kä omnak, khaw häu bungpuk,

HOSEA 13:4

Bawipa naw pyen ci, “Kei cu Egypt khaw ah ka ning law püi ba gui ciah Bawipa nami Khanpughi ah ka kyak ci. Kei ah kawn ah nangmi ung ahei Khanpughi kä om ci. Kei cu nangmi ah Hunbawi ah ka kyak ci.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

HOSEA 12:13

Bawipa naw prophet tüi law ne Israel chang gui cu Egypt khaw ah khleihtein ah kya ne om nak ungka gung gui ne m’hteihtang gui ci.

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

SAM 77:5

Ng’kawn pyi ciah hnüüp gui cu ka ngaih-tüh ci, ng’pyi pyi ciah khokum gui cu ka shüm ba ci.

SAM 23:4

Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

JOB 35:10

Cun ung phi tüi pyang gui ciah Khanpughi, ak hmüp nak ung ami om yah ung ngaih u nak pe gui ciah kä ng’hlat law ba ci gui.

JOB 3:5

Cun ah hnüüp cu ng’ziin ne mü nu sä; Cun ah hnüüp cu ng’mei naw shung sä, khohni kä so en sä.

2 GHANGPUGHANG GUI 2:14

Ani naw Elijah ah suinu awn tui that neta a pyen cu, “Bawipa, Elijah ah Khanpughi cu a hawi ang?” Ani naw tui cu that ba mä ci.

SUKI GUI 6:13

Kideon naw pyen tu ba ne, “Bawi aw, ka ning shi hlük ci nei, Bawipa naw na om püi gui ciah a kyak ung a i ah kyasei, shin ah akshe gui avan keimi ah khan ah a gawk law ang? Egypt khaw ah ka a law püi ba gui yah ung Bawipa naw a bi gui ah cäicat gui nai avan kami pa gui naw ami nam thein gui cu a i hawk cha ang? Bawipa naw na nawng gui ne, na hteh ta gui ne Midian gui am na ap gui ci nei” cik ci.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

THULÄÄN NAK 1:19

Bawipa mi Khanpughi naw an thumkhän gui cu mikmi naw mi bik ci. Mikmi naw Sinai M’htung hteh ta ne, dämduh ne kyih vai kyak ciah bungpuk kan ne Amorit khaw gui lam ung mi hteit ci. Mikmi Kadesh Barnea ung mi gawk law sang ung,

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

JEREMIAH 51:43

Gawnu gui cu ten gung kyihkyawk vai ah kya u ne, a u naw kä a om nak, hteh phi a u naw kä a hteh nak ah tui kä om ciah bung ah kiakk ci nei.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

JEREMIAH 5:12

Bawipa ah chang gui naw ani maa na u neta, ami pyen cu, “ani naw akzang ah a i kä bi lawk khai nei, mikmi ung ng’tuk nak la kho a zaw nak kä om khai nei.”

AMOS 2:10

Kei naw Egypt khaw ah kaa ka ning law püi ba gui ci, khokum phlikip ung bung puk ka ning kaan sak gui ci, Amorit gui ah khaw cu nami kaa vai ah ka ning pe gui ci.