JEREMIAH 2:5 - Cho Bible Common Language 2016

⁵ Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

JEREMIAH 2:5 Referans Kwoze

2 GHANGPUGHANG GUI 17:15

Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

JONAH 2:8

Agup akholä khawihnah ci gui naw, ami ning chang m’sui nak cu nawng ci gui nei.

SAM 115:8

Acun gui pyang ne khawihnah ciah chang van cu, ami pyan ah a gup ah mäih ah kyak ci gui nei.

ISAIAH 44:9

A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

1 SAMUEL 12:21

Khanpughi she gui ah hnu ah kä nami hteh tu vai; ngami naw kä ning m’htei gui hning khai, kä ning hun gui khai, ngami cu akcang ah kä kyak ci gui.

THULÄÄN NAK 32:21

Agup ami pyan gui naw kei cu nam lungshe sak ci, Khanpughi ami ci gui naw nam thüi sak ci, Cun gui cu akcang ah kä kyak ciah khanpughi gui ah kyak ci. Cun ah kyasei kei naw ngami m’lungshe sak gui khai ah pakhui cu ka mang khai. Ga tuk ciah pakhui awn ngami cu ka m’thüi sak gui khai.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

MATTHE 15:8

Khanpughi naw, ‘Shin ah chang gui naw, ami shai awn Kei cu nam hlüngtai ci gui, Cun ung phi ami m’lung cu kei awn ng’shawng aih ci.

EZEKIEL 11:15

Ani naw pyen ci, “Hnicim Chang, Jerusalem ung om ciah Chang gui naw nang ah mawng la omktu khaw ah om ciah name Israel-paw gui ah mawng cu pyen ci gui nei. Ngami naw, “Omktu gui cu Bawipa ami khawihnah nak vai shou ah ci nei. Ani naw shin ah khaw cu mi kaa nak vai ah nape gui ci nei!

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

JEREMIAH 10:8

Ngami ami van cu awng ang gu k’taak ci gui nei. Sing ami pyan ah agup gui ung ami ng’thei thang vai a i om khai ang?

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

ISAIAH 46:12

“Näng nak vai cu shou aih ciah ngai ci nei, lingkeng ciah chang gui, na ngai vä.

JEREMIAH 2:4

Bawipa ah ng’thu pyen cu ngai vä, nangmi Jakob ah htangshon, Israel pakhui gui.

JEREMIAH 8:19

Ngai vä! Kho avan ung ka chang gui kyap u sei ka ng’yak ci nei. “Zion ung Bawipa kä om ba ne ma? Zion ghangpughang cun ung kä om ba ne ma?” 2 Bawipa, ami ghangpughang naw m’shang gui ci, “Nami agup gui khawihnah u ne, akholä ah kyak ciah akho hei khanpughi gui ah ma ah kawp u ne, a i ah kyasei kei cu nami na m’lungshe sak ang?

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.