JEREMIAH 2:35 - Cho Bible Common Language 2016

³⁵ Nami pyen cu, “Kei cu changniah ka kyak ci, ak cang ah Bawipa cu kei ah khan ah kä m’lungshe ba ci nei. Cun ung phi kei Bawipa naw ka ning m’kyuk gui khai, a i ah kyasei ci ung nangmi kä nami hmakak ci pyen nami ling ci.

JEREMIAH 2:35 Referans Kwoze

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

JEREMIAH 25:31

Cun ah k’aw cu khocawi ah khüt ne shalawng khai. Bawipa naw changpakhui gui a hnungtuk püi nak gui vai amawng tumat om ci. Ani naw chang avan cu cet gui ne, changshe gui cu sih nak pe gui khai. Bawipa naw pyen ci.”

JEREMIAH 2:29

Nang naw a i na pyen khai ang? A i ah kyasei nang naw na na hnungtuk püi ang?

JEREMIAH 2:23

Na mät naw na mät kä na lelawi sak ciah, Baal kä na khawihnah phung ciah a i hawkcha ah na pyen hlawt ang. Khongnawi ung a i hlawk ah na hmakat cu teng ba ä; na bi gui pyi cu dan ba ä. Nang cu k’cih ciah kalauk ah mäih ah na kyak ci, dawng ne maih ci.

JEREMIAH 2:9

“Cun ah kyasei kei, Bawipa naw ka chang gui cu, hnungtuk ne ka bün phei ba gui khai. Ami htangshon gui ah khan ah phi hnungtuk ne k’bün nak ka law püi khai.

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

JOB 33:9

Kei ka katnak kä om ci, cheishoh nak a i kä ka bik ci. Kei changniah ka kyak ci, katnak kaphiawn nak ci.

EZEKIEL 17:20

Kei naw sa züh ci gui ah ng’vai cu phüi ne, ani cu ka phak khai nei. Ani kei ah khan ah kä a bekhüt ah phäh ah, Babilonia ah hteh püi ne, acu ah ka m’kyuk khai nei.

JEREMIAH 16:10

“Nang naw shin gui avan na m’thein gui ung, ngami naw a i kyasei kei naw aknui ah ka m’kyuk gui khai ah ka k’bäi cu ning shikkhai gui. Ngami naw a i chei shoh nak ang ami bi, a i katnak bi ne Bawipa ami Khanpughi ami hnung tuk püi cu ning shik khai gui.