JEREMIAH 2:32 - Cho Bible Common Language 2016

³² Hnumi non gnaw a awi ah cümlung m’hnih man ne ang? Ceimah ci naw ng’chungla nak sui m’hnih man ne ang? Cun ung phi ka chang gui naw kä khei hlawt vai ah hnüüp gui ung kei na m’hnih ci gui nei.

JEREMIAH 2:32 Referans Kwoze

SAM 106:21

M’gäi ne abi nak awn Egypt kho ah ka hun gui ciah Khanpughi cu m’hnih ci gui.

JEREMIAH 13:25

Cun cu nami ma nak ah kyak ci, cine ani naw pyan ci nei. Shin cu nangmi ah khan ah abi vai ah ani naw akbäi ah kyak ci, a i ah kyasei ci ung nangmi naw ani cu m’hnih u ne, Khanpughi she gui nami khawihnah ah phäh ah kyak ci.

JEREMIAH 3:21

Khomhtung khan ung k’aw tumat ng’yak nei; cun cu Israel chang gui ah ami kyah la ami ng’pa nak kyak ci, a i ah kyasei ci ung ngami cu katnak ung ghing om ne, Bawipa ami khanpughi ami m’hnih ah phäh ah kyak ci.

JEREMIAH 2:11

Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.

ISAIAH 17:10

Israel, nang ning guang ne, lung k’pou nu ah mäih ah kya ne ning shungvong ciah khanpughi cu na m’hnih ci nei. Cun nak vaisü ung a khohei chang gui ah khanpughi khawihnah nak vai ah sing ghing theing na geit ci nei.

HOSEA 8:14

“Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

SAM 9:17

Sih nak cu changshe gui la Khanpughi hnu ng’tuk püi ci gui ah a phu ah kyak ci,

JEREMIAH 18:15

Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

ATÜNNAK 24:22

Cun kawn ah ani naw a phu küi ciah ghui hnga naak la küikyang ciah ghui kutcüp hnih cu a kut ung pe neta,

2 SAMUEL 1:24

“Israel hnumi gui Saul ah phäh ah thüi kyap vä! Ani naw bämang päsui, ning m’sui gui ne, ghui la pyü lung ning m’awi gui ci.

ATÜNNAK 24:53

Cun kawn ah ngui ni, ghui ni, suisak gui ni cu Rebekka am pek ci. A phäi la a nau am phi a phu küi gui m’cümhnah gui ci.

ATÜNNAK 24:30

Laban naw hnga naak la abe ah kut ung om ciah kutcüp cu hmu pyi ci. Lawk ciah chang ah ng’thu, abe naw am thein phi ng’ya pyi ciah kyak ci. Ani cu tuishawk ah pei, kalauk gui ah pei ah ng’düi ciah Abraham ah chang ah hteit neta,

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

JEREMIAH 2:33

Nangmi naw mät ah m’hni cu a i hawkcha gawt vai cicu nami hmat ci nei. Ak ghawi pikbäih ah hnumi gui naw phi nangmi ah ng’thei lawk khai gui nei.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

SUKI GUI 8:34

Ami pei zung ung ami ga avan ung ka hun gui ciah Bawipa ami Khanpughi ah bi cu kä bi ba ci gui.

JEREMIAH 23:27

Ami pupa gui naw kei na m’hnih u ne Baala täng ah ami ng’hlah ah mäih ah, ngami naw ami mang ami m’thein gui phäh ah ka chang gui naw kei na m’hnih khai gui ah ngai ci gui nei.