JEREMIAH 2:3 - Cho Bible Common Language 2016

³ Israel gui, kei bäng naw nangmi ka ning ka na gui ci; Nangmi cu theingcim ciah kei ah ka ah nami kyak ci. Kei naw nangmi ning natsak gui ciah chang nü ah khan ah, yai ca nak la leigai ka tui lawk khai, Kei, Bawipa naw ka pyen ci.

JEREMIAH 2:3 Referans Kwoze

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

ISAIAH 41:11

“Nangmi ning m’lungshe na gi ci cu, nat nak, lüng’aa nak gah khai. Nangmi hnung’tuk ne, ning tukpüi gui ci cu sik khai.

ROMAN 11:16

M’htut pum ät cu k’bou ne Khanpughi am ap ah a kyak ung m’htut pum avan cu ap ah kyak ci, Singghing tumat ah ang yung cu Khanpughi am ap ah a kyak ung ang ban avan phi ap ah kyak ci.

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.

JEREMIAH 50:7

Ngami cu hma gui ci ami van naw ami tuk gui ah kyak ci. Ami ga gui naw, “Ngami cu Bawipa hnung tuk püi ne hmakak ci gui, cun ah kyasei mikmi naw mi bi cu kä hma ci. Ami pupa gui Bawipa ngaih u ci gui, cun ah kyasei ngami ami mät phi ani ung ami bekhüt vai ah kyak ci.’

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

THULÄÄN NAK 7:6

Shin ah nami bi vai cu a i ah kyasei ci ung, Bawipa nami Khanpughi naw ning khäm gui ci. Khomdek chang avan ungka, nangmi cu a mät ah chang aktung ah ning ghü gui ci.

KHEI NAK 18:12

“A kum tä sei Israel gui naw ami na pek law ah m’thawk htük ciah akni pi gui avan cu ka ning pe gui ci nei; oliv situi, sapyit tui la htang,

ROMAN 16:5

Ami mät ah im ah ng’bum ne pum ci gui ah khritha bum gui cun phi ka yavaih na gui ci nei. Asia kho ung Bawi Khrit yum law maa ciah ka teihpüi k’ni Epaenetus cun phi khaih na ne, ka yavaih nak ci nei.

ZEKHARIAH 1:15

Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.

JOEL 1:3

Shin ah mawng cu nami hta gui am m’thein gui vä; ngami naw ami hta gui am m’thein ba khai gui, shin pha tuk ci naw lawba ciah htangshon ung m’thein ba gui khai.

JEREMIAH 30:16

Cun ung phi tuhbäi, nangmi ning m’zaw gui ci avan cu m’zaw ba gui vai, Nami ga gui avan cu pha na hteh püi gui vai. Ning shedam na gui ci avan cu Shedam ba nak vai, Ning gut kep gui ci avan cu guh tep ba vai.

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

THULÄÄN NAK 26:19

Ani naw a tüisho ah pakhui gui ung, ak däm pi ah ning pyang gui khai. Nangmi naw ani ah ng’ming m’hlümtai nak la m’tamkhah nak cu nami law püi khai. Ani naw a shaitak ah mäih ah nangmi cu amät ah chang ah nami kyak khai.

PHYAWN NAK 23:16

“Geit tün ne nami khäm law vai ung geit khäm pawi nami bi vai. “Khaw hting khaw ah geit khäm pawi nami bi vai, nami law chaam ungka geit avui atheih nami m’seh law vai ung ah kyak khai.

PHYAWN NAK 22:29

“Vüi law ma ciah nami htang, nami sapyit, la nami olive situi cu kei am nami na douthak vai. Nami hta htük cu nami na pek vai.

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

JEREMIAH 2:4

Bawipa ah ng’thu pyen cu ngai vä, nangmi Jakob ah htangshon, Israel pakhui gui.

HABAKKUK 1:11

Ngami cu khokhi ah mäih ah maih ne ng’kawn ci gui. Ami mät ah huham cu ami Khanpughi ah kyak ci nei.”