JEREMIAH 2:26 - Cho Bible Common Language 2016

²⁶ Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

JEREMIAH 2:26 Referans Kwoze

JEREMIAH 32:32

ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

EZRA 9:7

Cau kami pupa gui ung tün ne tuhbäi ung khüt khai ah keimi na na chang gui cu, aknui ah kami kak ci nei, Kami kat ah hmawk ah keimi, kami ghangpughang gui la kami taigü gui, khaw hei ghangpughang gui ah kut ung, kami gawk ci nei. Ami na ngawn shep gui, ami na guttep gui, la pha ne ami na hteh püi gui ah kyak ci nei.

ROMAN 6:21

Cun yah ung nami bi lawh gui naw a i ah phi kä ning khüi ng’vong gui ci, cun naw tuk bäi ning lü ng’aa sak gui ne, ak hnu ah sih nak ung ning gawk sak gui ci.

JEREMIAH 48:27

Moab, nang naw Israel chang gi a i hawkcha na m’lepse nak gui cu shüm ba ä? Gut tep ciah m’guk ei m’bum gui ami pha gui awn m’täng ne na om püi gui ci nei.

JEREMIAH 2:36

Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.

ISAIAH 1:29

Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

EZEKIEL 16:54

Nang cu na mät awn na ng’aa khai, nang ah thui ng’aa nak naw ngami ai hlawk ah ami bämang law cu dang sak khai.

EZEKIEL 22:26

Taigü gui naw ka thukhän cu m’shet u ne, a theingcim cu kä kyih aa ci gui. Ngami naw theingcim ci la kä theingcim cicu kä m’khoi chak ci gui. Ngami naw theithang ci gui, kyiin hnüüp cu nawng ci gui. Ak hnu ah Israel chang gui naw kei cu kä na chang m’sui ci gui.

ZEKHARIAH 5:4

M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

SAM 97:7

A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.

ISAIAH 44:9

A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

ISAIAH 44:11

A cun khawihnah ciah chang nü cu m’shung nak gak khai nei. A gup pyang ci gui cu hnicim chang gui nei, i kä ng’taih ci nei. Ngami cu law ne ng’cet law u sä — ngami cu cäi ne ng’hlet ne, lü ng’aa khai gui nei.

JEREMIAH 4:9

Bawipa naw pyen ci, “Cun ah hnüüp ung ghangpughang gui la bawi gui cu ami tha maih yawp khai; taigü gui cu cat khai gui, prophet gui cu cäi aih khai gui.

JEREMIAH 22:22

Nami ng’vaihta gui cu khokhi naw zon gui khai, nami khawt püi gui cu ng’tuk nak ung pha ne chumne hteh püi gui khai gui; Nami ah mang gaw cu a thangshe sei thui ng’aa khai a i ah kyasei ci ung nangmi naw akshe nami bi gui avan ah phäh ah kyak ci.