JEREMIAH 2:21 - Cho Bible Common Language 2016

²¹ Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.

JEREMIAH 2:21 Referans Kwoze

ISAIAH 5:4

Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”

PHYAWN NAK 15:17

Nang naw akyong ah law püi gui ne na khomhtung ung na geit gui ci. Cu ah hmun cu nang Bawipa naw na im vai ah na ghü ah kyak ci, cun cu na mät naw na cawh ah Taigüim ah kyak ci.

JOHAN 15:1

“Kei cu sapyit phung akcang ah ka kyak ci, Kapa cu kho ng’lei k’ngäng ah kyak ci.

SAM 44:2

Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

SAM 80:8

Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

THULÄÄN NAK 4:37

Ani naw nami pupa gui m’hni gui ci, Ning ghü gui ci, dämduh ciah a huham awn amät naw Egypt khaw ungka ning law püi ba gui ci.

LUKA 20:9

Cun kawn ah Bawipa Jesuh naw shin ah m’tumtäng nak m’thein gui ci. “Chang tumat naw sapyit lo ung ang geitkaw kawn ah, chang gui ghüh ne bi ne ei sak gui ci. Amät cu a kho hei ah hteit ne aksho om ci.

MAKUH 12:1

Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.

THULÄÄN NAK 32:32

Ami ga gui naw Sodom la Komorrah ah mäih ah m’shet gui ci. Ngami cu akha la am äm mah ah m’theih ciah sapyit ah mäih kyak ci gui.

MATTHE 21:33

“A hei tumtäng nak tumat cu ngai vä, sapyit akda geit ciah khomdek mah tumat om ci. Ani cu lo avan ng’vong ne sapyit neen nak vai khui phi shawk ci, shaam tumat phi co ci. Cun kawn ah a sapyit lo cu chang gui-am ak phlam a ei vai ah m’kai ne khah gui netah, a kho hei ah hteit ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

ISAIAH 1:21

Bekhüt mante ciah mang gaw u chaung pletah mäih ah kyak ci nei! Chang düng gui ah be nak man ung tuhbäi Chang ngawn ci gui bäng ah kyak ci nei.

JOSHUA 24:31

Joshua a ghin yah a chuih ung Israel chang gui naw Khanpughi ah bii bik ci gui. Ani asih kawn ah phi ngami naw k’täi ne bik ci gui. Bawipa naw Israel gui ah khan ah a bi päng ami mät naw hmu tuk ciah ami ng’vai gui ami ghin ah chuih acun ah bik ci gui.

NG’ÄI KYAH 4:1

Keimi ah pyü ciah ghui cu siim ci nei; Taigüim ung lung gui cu lam gui ung ng’yaih ne ng’yän ci gui nei.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

ISAIAH 27:2

Cun ah hnüüp ung Bawipa naw a zeinak ah sapyit dnum ah mahng thu pyen khai,

JEREMIAH 11:17

“Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.

SAM 80:9

Nang naw a thawh vai ah a hmun cu k’sei m’ghan ci sei, a pya thuk ne kho küm ne ng’shun ci.

JEREMIAH 5:10

Ka chang gui ah sapyit ng’shun gui tupit khai ah ga gui ka tüi lawk khai nei, cun ung phi avan kä m’di gui vai nei. Ang ban gui tupit ne ami ghawh vai ah kei naw ka m’thein gui khai, a i ah kyasei ci ung cun ah ng’ban gui cu kei ah kaa ah kä kyak ci nei.

JEREMIAH 11:16

Kei naw ngami cu a hnah khlum ne akiom ah amtheih awn be ciah Olive sing ah ka khü gui man cu, cun ung phi tuh bäi, khaw hmum kyeek ah mäih ah a hnah gui cu mei awn m’khih ne, ang ban gui cu ka cheiuh khai.

EZEKIEL 15:2

ani naw pyen ci, “Hnicim Chang sapyit cu a i hawkcha ah sing ghing awn m’tuntäng vaiang? Sapyit ah angban cu bung hmu ah sing ghing ah ang ban awn m’täng ung ani nak a i om ne ang?