JEREMIAH 2:20 - Cho Bible Common Language 2016

²⁰ Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

JEREMIAH 2:20 Referans Kwoze

THULÄÄN NAK 12:2

Nangmi naw nami lak ah khaw ung chang gui naw ami khanpughi gui ami khawihnah nak ah m’htung hlüng gui, khaw-gui gui, sing k’ghing ah ka gui, hmun gui avan nami m’di vai nei.

TAIGÜTHUM 26:13

Kei, Bawipa nami Khanpughi naw, Egypt khaw ungka ka ning law püi ba gui ci, cun ah kyasei nangmi cu changshäm ah kä nami kya ba khai. Kei naw ning yung kyak sak ciah huham cu ka cheiuh pyi ci, kei naw nami lu häng khai ah ka ning hteh sak gui khai.

JEREMIAH 17:2

Na chang gui naw sonkiang gui ung khawihnah ci gui, khanpughi nu Ashenah ah müigup cu m’kim ciah sing ghing päng ung, khomhtung lai

HOSEA 3:3

Kei naw ani ka pyen nak cu, kä pawmyau ne, kä pletbeng ne kei cu na na k’äih vai, acun ah khin ung kei naw phi ka ning k’äih khai.

JEREMIAH 30:8

M’gäi ciah Bawipa naw pyen ci; “Cun ah hnüüp a gawk law ung ami hnü ung ami phuih nak ah sing cu cheiuh ne, gui gui cu ka heen pe gui khai, ngami cu Khohei Chang gui ah Khlei htein ah kä kya ba khai gui.

ISAIAH 1:21

Bekhüt mante ciah mang gaw u chaung pletah mäih ah kyak ci nei! Chang düng gui ah be nak man ung tuhbäi Chang ngawn ci gui bäng ah kyak ci nei.

NAHUM 1:13

Nangmi ah khan ah Assirian gui ah huham mah Nak cu, tuhbäi ka ng’pyi sak khai, Ning khit gui ciah gui phi ka pit sak khai.”

EZEKIEL 23:5

Oho lah cu ka Chu ah kya pang, ne phi pawn zau Chang ah kya lä ci. Assiria ah ka am hni gui ah phäh ah akbe ah gäng tha ci.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

EZEKIEL 16:41

Ngami naw name im gui cu ning m’khih pek khai gui, ami ning m’kyuk nak cu hnumi bum gui am teng sak khai gui, Kei naw na pletbeng nak cu ning düm sak ne, na m’hni gui am letsawng na pek cu ka ng’düm sak khai.

EZEKIEL 16:31

Nang naw lam ah khan päng ung a gup khawihnah nak ah hnun cu na co ci, pletbanng nak cu na bik ci. Cun ung phi ahei pletbeng gui ah mäih ah ngui kä na lak ci.

EZEKIEL 16:28

“A i ah kyasei ci ung nangmi a i ahei gui awn kä name ng’büh ci, Assirian gui ah ami hnu ah name dawng tuk ci. Nangmi cu ngami ah pawm zau Chang ah name kyak ci, cun ung phi acun awn kä name ng’büh phak ci.

ISAIAH 14:25

Kei naw ka khaw Israel ung Assirian gui cu ka m’di gui khai, ka khomhtung gui ah khan ah ngamicu ka kai na gui khai. Kei naw ka chang gui cu phuih gih ah kyak ciah Assirian la phuih la phuih gih gui ung ka, ka k’phiawn gui khai.

ISAIAH 10:27

Cun ah khin a gawk law ung, kei naw nangmi cu Assiria ah huham ungka, ka ning m’hlawt gui khai, ngami ah phuih gih cu nangmi ah phleing ung kä ng’taih ba khai.”

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

SAM 78:58

Ngami naw akshe ah ami khawihnah nak awn m’lung she sak u ne, a gup gui awn am lung thüi sak ci gui.

1 GHANGPUGHANG GUI 12:32

Jeroboam naw yumnak ah mangpawi cu acha cheit ah hnüüp gha lei hma ung bi vai ah k’bäi ci, cun cu Judah ung pawi ah mäih ah kyak ci. Bethela ah sonkiang ung amät ah pyan ah ghui vantang-gup gui am khawihnah nak cu douthak ci, ani naw a cu ah Bethela ung a cawh ah khawihnah hmun ung bii bik khai ah taigü gui phi tha gui ci.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

JOSHUA 24:26

Joshua naw shin ah thumkhän gui cu Khanpughi ah thukhän ca uk ung guk ci. Cun kawn ah ani naw lung amkawm la neta, Bawipa ah theingcim ciah hmun Oak sing ghing ka ah ng’ling ci.

JOSHUA 24:24

Cun kawn ah chang gui naw Joshua am, “Keimi naw Bawipa kami Khanpughi ah bii cu kami bik khai nei. Ani ah thumkhän cu kami läk khai nei” cik ci gui.

JOSHUA 1:16

Ngami naw Joshua ami m’shan tuba cu, “Keimi naw na na pyen nak gui päng kami bik khai nei, na na tüih nak gui päng ah kami hteit khai nei.

THULÄÄN NAK 26:17

Tuhngawi nangmi naw Bawipa cu nami Khanpughi ah nami ng’kiaa ci. Ani nami läk khai, ang thukhän avan nami pang khai, ang thumkhän avan nami bik khai ah shai nami tak ci.

THULÄÄN NAK 15:15

Nangmi cu Egypt khaw ah changshäm ah kya u ci sei, Bawipa nami Khanpughi naw a ning m’hlawt gui cu nami shüm ba vai nei. Cun ah kyasei kei tuhbäi a shin ah thumkhän ka ning pek gui ah kyak ci.

THULÄÄN NAK 5:27

Hteit ä, Moses aw, Bawipa nami Khanpughi ah hteit neta, a pyen phung cu na ngaih vai nei. Cun kawn ah law ba ne nang ung a i a ning pyen nak cu nam thein law ba gui ä. Keimi naw ngai ne kami läk khai nei.”

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

PHYAWN NAK 24:3

Moses naw hteit ne Bawipa thumkhän la thuküi cu chang gui am m’thein gui ci. Chang gui avan naw a täng ah, “Bawipa ah pyen phung cu kami bik khai nei” cik ci gui.

PHYAWN NAK 19:8

Chang gui ami van naw a täng ah m’shang u ne, “Bawipa ah a pyen phung cu kami bik khai nei” cik ci gui. Moses naw a cun cu Bawipa am m’thein ba ci.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

THU PHLAAN 17:1

Khankho chang pachih ungka eikbei chih kawt ciah khankho chang tumat cu kei ah law netah, “Lawä! Tuinu gui ah pei ah ami sak ah mang gaw ah kyak ciah pletbeng ciah hnumi ami m’shetkat law cu ka ning hmuh sak khai nei.

1 GHANGPUGHANG GUI 14:23

Ngami naw khanpughishe gui khawihnah nak vai ah hmun gui co ci gui. Ngami naw lungtung gui la Asherah ah gup gui cu khawihnah vai ah khomhtung gui la sing ghing hniim gui ah ka ah tha ci gui.

SAM 107:14

Ani naw amü, a hmüp nak ungka k’plawk ba gui ne, ami khih nak gui cu ci pit yawp ci.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

JEREMIAH 5:5

Kei naw huham mah ciah chang gui ah a i ak thäh, ami Bawipa naw a i ami bi vai angyak hlü cu, akcang ah hmat khai gui.” Cun ung phi ngami ami avan naw Bawipa ah huham cu hnungtuk püi u ne, ani ah ng’thu ngaih vai cu mak ci gui.

JEREMIAH 13:27

Ani naw a thüi nak gui nangmi naw nami bi cu ning hmu gui ci nangmi cu a im pei ah ami chu ng’ya hlüt ciah pami ah mäih, ng’sein ca naw seng aläk ah mäih ah khogui ma la lolai ung khogam khanpughi gui nami läk cu ani naw ning hmu gui ci. Jerusalem chang gui, nami ng’ziin ci nei, a i yah ung nami theingthap lawk khai ang?

HOSEA 4:13

M’htung lai ah atheing nak ah hmun gui ung, khawihnah nak douthak u ne, khomhtung gui ung sing ghing ang shäi gui, akdäm gui ang hnim nik ci gui ah kaa ah ngami naw tui ng’ui m’khih ci gui. Ai ah kyasei ci ung ang hnim gui cu yei nak vai kyak ci. “Ak hnu ah nami hta hnumi gui naw, pawmyau ciah bii bi u ne, nami hta gui ah chu gui cu pletbeng ci gui.

SUKI GUI 2:11

Israel chang gui cu Bawipa hnu ng’tuk püi ne katnak bi u ne, Baala gui cu tün ne khawihnah ci gui.

SUKI GUI 2:13

Ngami naw Bawipa Khawihnah nak cu nawng u ne, Baala la Astarte gui cu khawihnah ci gui.

SUKI GUI 10:6

Israel gui naw Baala la Astarte gui khawihnah u ne, Bawipa cu hnung’tuk püi ne cheishoh ba ci gui, ngami naw Siria, Sidon, Moab, Ammon la Philistia gui ah khanpughi gui phi khawihnah ci gui. Ngami naw Bawipa cu nawng ne, kä khawihnah ba ci gui.

SAM 2:3

Ngami naw, “Ami na uk nak gui ka mi ng’pät khai nei. Ami na shum nak gui cu mi k’phyan khai nei” cik ci gui.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

HOSEA 9:1

Israel chang gui khogam khawihnah ci gui ah mäih ah nami bi ah nami pawi gui cu ng’düm vä. Nangmi cu nami Khanpughi ng’hlata u ne, ani ung kä nami bekhüt ci. Khaw avan ung Baala khanpughi am nami mät naw nami mät pawmyau chang gui ah mäih ah nami ng’yoi ci, htang gui phi ani naw aning pek gui ah nami ngai ci.