JEREMIAH 2:2 - Cho Bible Common Language 2016

² Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

JEREMIAH 2:2 Referans Kwoze

EZEKIEL 16:60

Cun ung phi nangmi name hmaw yah nangmi awn ka bi ah thukhän cu kei naw ka m’taam khai, kho ng’län ung khäng ciah thukhän cu kei naw nangmi ung ka bik khai.

EZEKIEL 16:8

“Kei naw ka ning sun law bam ä ung, nang cu yumhni vai ah akhin ah na gawk law cu ka ning hmuk ci. Kei naw ka suinu awn na pumsa cu ning shung neta ka ning m’hni vai ah shaitak ba bik ci. Cun kawn ah nang awn ng’pui khah vai ah thukhän cu ka bik ci, cun ah kyasei nang cu kei ah chu ah na kya lawk ci.” Shin cu Uktu Bawipa naw a pyen ah kyak ci.

JEREMIAH 11:6

Bawipa naw na pyen nak ci, “Judah mang gaw gui la Jerusalem lam gui ung hteit vä. Ka ng’thu cu shä vä, thukhän ah mawng gui ami ngaih vai la ami läk vai ah m’thein gui vä.

THULÄÄN NAK 2:7

“Nami bi nak päng ung Bawipa nami Khanpughi naw a i hlawk ah hriham a ning pek gui cu nami shüm ba vai. Shin ah ng’shawng ciah bung ung nami ng’vah yah ung ani naw ning m’htei gui ci. Shin ah khawkum phlikip ung ani naw ning om püi gui ci, nangmi naw nami ng’yak hlü päng nami gah ci.

HOSEA 2:15

Ani ah sapyit vong phi kei naw pe ba ne, yaica nak ah khongnawi phi ngaih u nak ah ka pyan pek khai. Ani naw acu ah na m’shang khai, ayanä ah mäih ah ani a hmaw yah, Egypt ah kaa a law ba yah ung,

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

PHYAWN NAK 14:31

Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.

MATTHE 11:15

Cun gui cu ak hnga om ci phung naw ngai ne ng’ya u sä.

LUKA 12:13

Chang khli ungka chang tumat naw, “Sayapa, kami pa ah khawh kami ng’pai vai ah kei ah hmawk ah na pyein peä” cine Bawipa Jesuh ah k’thäh ci.

JONAH 1:2

Ani naw, “Nineveh mang gaw nu ah hteit ne hnungtuk ne ng’thu na pyen vai nei. Cun ah gaw ung chang gui a i hlawk ah ami shetkat cu kei naw ka hmat ci nei” cik ci.

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

EZEKIEL 23:19

Ani cu hnumi hta ah kya ne Egypt ah a om yah ung ka ah mäih ah kya gäk gäk ne, a zan ah ta ka pi n e pawmzau lawk ci.

EZEKIEL 23:8

Ani naw angla mihta nak ashum nak ah Egypt ah a tün cu k’täi ne bik ci. Ani hnumi hta ah a kyak yah ung Chang gui naw ani cu ih püi u ne, pawm zau Chang ah mäih ah om püi ci gui.

EZEKIEL 23:3

Ngani ani hmaw yah ung Egypt ah om ci goi, ngani cu ani hta ah ani kyak nak shum ni ne pawm zau Chang ah kya lawk ci goi.

EZEKIEL 16:22

Paumza ne shemshai ciah ghin nak ung nami om sang ung nang naw hnü ät hta phi nah maw yah cu kä na shüm ba ci-cun yah ung nang cu nak plui ah om ne namät ah si ung na ng’hleu ci.”

JEREMIAH 19:2

potsherd m’kawt un glut law ne Hin nom khaw ng’nawi ah ka hteh vai ah na pyen nak ci. Acu ah ani naw ana pek ah thu cu ka ng’shäu khai ah kyak ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

SOLOMON NG’Ä~ 3:11

Zion hnumi gui, law ne ghangpughang Solomon cu teng law vä. Ani naw anu naw alu ung akbün ah lukhu cu ng’büng ci nei, cun cu a chumah hnüüp ung kyak ci, a yeikyai hüithaw nak ah hnüüp ung ah kyak ci.

NG'THU K'THUUK~ 1:20

Ngai vä! cüivai nak cu lamtung ung ng’khü ci nei.

PHYAWN NAK 16:8

Moses naw, “Bawipa naw mühun ah nami ei vai ah meh, khaw ngawi ah nami ng’büh nak vai ah m’htut ning pe gui khai nei, a i ah kyasei ci ung a i hlawk ah ng’thu m’da ne nami hnungtuk püi cu ani naw ng’yak ci nei. Ng’thu m’da ne keimi nami na hnungtuk püi gui cu akcang ah Bawipa cu ng’thu m’da ne nami hnungtuk püi ah kyak ci nei” cik ci.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

THU PHLAAN 2:4

Cun ung phi ak htük ungka ah mäih ah nang naw kei cu kä na na m’hni ba ci kyasei, ning pyein m’sheet vai om ci.

SAM 129:1

Israel gui, nami ga gui naw nami hmaw yah ng tün ne a i hlawk ah ami ning dukdeiu nak gui cu pyen vä,

JEREMIAH 2:1

Bawipa naw na m’thein ci,

JEREMIAH 3:4

“Tuhbäi nang naw kei na na pyen nak ci,” Nang cu ka ning pa nei, kei ka hmaw yah ge ung nang naw na na m’hni ci.

HOSEA 2:7

Ani cu am hni gui ah hnu läk ne dawng khai, cun ung phi kä pha gui khai, Ani naw shui gui khai, cun ung phi kä hmu gui khai. Cun kawn ah ani naw pyen khai, “Kei cu ka cei htük ah ka hteit ba khai nei — Kei cu tuhbäi ah ta yanä ung bä pi ne ka om man te ci nei.”

THULÄÄN NAK 33:3

Bawipa naw a chang gui m’hni gui ci, Amät ah prophet gui cu m’hni gui ci. Cun ah kyasei a khaw ka ah mi kawp ne, Ang thumkhän gui mi läk khai.

SOLOMON NG’Ä~ 3:6

Bungpuk ah kaa meikhu ah mäih ah khu lawk cicu a i ang, tui ng’ui la mura ah ng’ui ci, sumlei ci gui ah ami yoih ah tui ng’ui ang?

HOSEA 2:17

Kei naw ani cu Baala ah ng’thu kä ka pyen ba sak khai.

HOSEA 9:10

Bawipa naw pyen ci, “Kei Israel gui ka hmuh gui htük yah ung khonggau kho ah sapyit ghing gui hmuh a mäih ah kyak ci. Kei naw nami pupa gui ka hmuh htük yah ung kho aa ung up law ma ciah thei ah mäih ah kyak ci. Cun ung phi ngami Peor m’htung ung mi gawk law yah ung ngaminaw tün ne Baala cu khawihnah ci gui. A cun vai am ami m’hni ah khanpughi gui ah mäih ah shemshai ci gui.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.