JEREMIAH 2:18 - Cho Bible Common Language 2016

¹⁸ A i ah ang nami ngaih, Egypt ah hteit ne, Nile tuinu ung tui aw ne, nami bä pi khai ang? A i ah ang nami ngaih, Assiria ah hteit ne, Euphratis tuinu ung tui aw ne, nami bä pi khai ang?

JEREMIAH 2:18 Referans Kwoze

JOSHUA 13:3

acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

JEREMIAH 2:36

Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

EZEKIEL 17:15

Cun ung phi Judah ghangpughang naw kuknet neta Egypt ah a Chang tüi ne, ng’se gui la gakap akda cu k’thäh ci. Ani näng khai ang? Ani cun ung phyawng khai ang? Ani naw thukbäi bi nak cu kä m’shet hlawt khai, m’kyuk nak kä gah ah kä kya hlawt khai!

NG’ÄI KYAH 4:17

M’hteihtang nak vai ah mi teng hning ah chuih mi teng ung phi kä law pang ci. Pakhui khaw tumat cu na m’hteihtang gui khai ah mi k’äih ci, cun naw ana pek gui vai a i kä om ci.

ISAIAH 7:20

Cun ah khin a gawk law ung, Bawipa naw luk’teiu ciah kyak ciah Euphratis kan ne Assiria ghangpughang — cu ng’vat lawk khai! Ani naw nami m’khamu, nami lumu la nami pum ung mu avan cu ning teiu pe gui khai.

ISAIAH 23:3

tuinu kan ne Egypt khaw ung m’thawk ciah htang gui hleih vai, yoih vai chang pakhui pang awn sumlei vaiah nami bi sak gui ci nei.

EZEKIEL 16:28

“A i ah kyasei ci ung nangmi a i ahei gui awn kä name ng’büh ci, Assirian gui ah ami hnu ah name dawng tuk ci. Nangmi cu ngami ah pawm zau Chang ah name kyak ci, cun ung phi acun awn kä name ng’büh phak ci.

2 SHONTÄP NAK 28:16

Edomit gui naw Judah cu tu law ba mä u ne, chang gui akda pha ne hteh püi u sei, ghangpughang Ahaz naw Assiria uktubawi Tiklath Pileser ah a bawm tu vai ah chang tüi ne k’thäh ci.

JEREMIAH 31:22

Nangmi a i güt nami awng aa khai ang, yum nak kä om ciah chang gui? Hnumi naw pami a shung vong cu a küikaa ah mäih ah, kei naw küikaa ci la akthai cu ka tüipiang ci nei.

NG’ÄI KYAH 5:6

Ghing ne om nak vai ah ng’büh nak vai ah ei gah vai ah, mikmi Egypt la Assiria ah hteit ne mi ng’yoi ci.

EZEKIEL 23:30

Shin gui cu na khan ah a law püi ah kyak ci nei. Nang cu Chang pakhui gui ah phäh ah pawm zam ciah kya ne, ngami ah agup gui awn na mät na lelawi sak ci.