JEREMIAH 2:15 - Cho Bible Common Language 2016

¹⁵ Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.

JEREMIAH 2:15 Referans Kwoze

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

ISAIAH 5:29

Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

ZEPHANIAH 3:6

Bawipa naw, “Chang pakhui gui avan ka k’täm cui ci, ami mang gaw gui phi ka m’di ci. Ami pang gui la tänghän gui phi sheka yawp ci. Mi mang gaw gui cu ng’gau ci, ami lam gui cu ghawng ci, a u kä om ci.

ZEPHANIAH 2:5

Tuikem ah om ciah Philistin gui, nangmi cu nami ng’yiin ci. Bawipa naw ning m’kyuk gui ci. Ani naw ning m’di gui yawp khai, a u phi kä nami k’pawih ba khai.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

NAHUM 2:11

Tuhbäi ung mang gaw a hawi ang? Ani cu phongkawng ah chaam ah mäih ah kyak ci, Phongkawng anong gui ami vuh nak ah mäih ah kyak ci. Phongkawng akhik gui la a hla gui ah ami lum nak, Ngami ah hta yüüt cu phyawng khai.

AMOS 3:12

Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

AMOS 3:4

Phongkawng cu a lawh vai ah sa kä a hmuh ung bung ah m’ngaw man ne ang? Phongkawng nong cu a i kä a pha ung a khui ah ng’gen man ne ang?

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

HOSEA 5:14

Israel la Judah chang gui cu phongkawng ah mäih ah kia ne kei naw ka tu gui khai. Kei ka mät naw akhui pi ah kyak khai gui ah k’teek gui ne ka hteh ta gui khai. Kei naw ngami ka kaih gui ung a u naw ngami kä hun gui hlawt khai.

EZEKIEL 5:14

Nami vein gung om ciah pakhui gui ning sun gui ciah chang nü naw ami m’nei k’päi nei ning lek gui khai nei.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 33:10

Bawipa naw pyen ci,” Shin ah hmun cu bung puk ah mäih ah kyak ci, chang la khisa a i phi kä om ci. Ngami hman ci gui; Judah khaw ung gawnu gui la Jerusalem ung lam gui cu a ghawng ah kyak ci; cun ung chang la khisa a i phi kä om ci. Cun ung phi shin ah hman ghi ung

JEREMIAH 26:9

A i ah kyasei nang naw, shin ah Taigüim cu Shilon ah mäih ah kyak khai, shin ah mang gaw cu m’di vai, cun ung a u phi kä om ba khai, na ci ang? ci u neta, chang hli naw kei cu na koi ci gui.

JEREMIAH 25:30

“Nang Jeremiah naw, kei naw ka pyen phung cu na ng’shäu vai nei. Nang naw shin ah chang gui na m’thein gui vai cu, Bawipa cu khankho ah m’ngawk khai ak hlüng nak khankho ung hmum kyeek khai. Ani naw ak chang gui hnungtuk ne m’ngawk khai; ani cu sapyit neen ciah chang ah mäih ah m’lau khai. Khomdek khan ah chang nü naw ng’yak khai.

JEREMIAH 5:6

Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.

ISAIAH 24:1

Bawipa naw khomdek cu m’shiü ne m’gämugang khai ah nawng khai. Ani naw khomdek ah hmai cn ng’phiui sak ne, a chang gui cu püi pyang sak gui khai.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 5:9

M’gäi ciah Bawipa ah thu pyen cu kei naw ka ng’yak ci, “Shin ah im m’kawm im k’ni gui avan cu ghawng ne di khai.

SAM 57:4

Kei cu chang ei ciah kawng gui ah mäih ah kyak ciah gaa gui naw nak khai ci gui. Ami ha gui cu k’htei la m’la ah mäih ah kyak ci, ami m’lei gui cu chim ah mäih ah ghaat ci.

JOB 4:10

Changshe gui cu phongkawng ah mäih ah m’ngaw ng’pyang ci gui, cun ung phi Khanpughi naw adüm ah om sak gui ne ami ha ci hnget gui ci.

SUKI GUI 14:5

Cun ah kyasei Samson cu anupa gui awn a täng ah Timnah ah yu hteit ci gui. Ngami naw Sapyit lo kan ne ami hteh sangung, ani naw phongkawng anong m’ngaw sei ng’yak ci.

JEREMIAH 51:38

Babilonian gui ami van cu phongkawng hlui ah mäih ah m’ngaw u ne, kawng hta ah mäih ah ng’ging ci gui.

EZEKIEL 36:3

“Cun kawn ah ng’cängbang neta, kei, uktu Bawipa naw ka pyen cu ng’shäu ä. Apeileng yung ah om ciah pakhui gui naw tu ne khäm ne, Israel khomhtung gui cu ami gut tep sang ung, ngami ami van naw Israel cu shedam nak ci gui.

ZEKHARIAH 11:3

Uktu gui cu ng’pyang ne kyap ci gui; ami bämang nak cu ng’pyi pyi ci. Phong kawng gui ah m’ngaw cu ngai vä, Jordan lawng yung ah ami hmun khaw cu di pyi ci nei.

JEREMIAH 6:8

Jerusalem chang gui aw, shih ah genbai nak gui cu nangmi ah phäh ah m’kyihm’hting nak ah kya sä, kä cun ung Kei naw ka ning nawng gui ling khai; Nami mang gaw cu a u naw kä ghin om nak hlawt ah khong’gau ah ka lat khai.

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

JEREMIAH 10:22

Ngai vä! Ng’thu gawk lawk ci nei! A siip täng pakhui ung dämduh ciah ng’küknet nak ah kyak ci nei; Ani ah gakap gui naw Judah mang gaw gui cu sa-ui gui ah om nak ah hmun khaw ng’gau ah kyak sak khai gui nei.”

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”