JEREMIAH 2:13 - Cho Bible Common Language 2016

¹³ Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

JEREMIAH 2:13 Referans Kwoze

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

SAM 36:9

Nang cu ghin nak avan ah ang yung ah na kyak ci, nang ah akdei ung keimi naw akdei kami hmuk ci.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

JEREMIAH 2:11

Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.

2 PETER 2:17

Cun ah chang gui cu tui ket ciah hmawilawng ah mäih, khokhi naw k’phyit ne a yon ah khong mei ah mäih ah kyak ci gui. Khanpughi naw ngami ah hmawk ah ak hmüp nak pi bäih ah hmun cu taak pe gui ci.

JEREMIAH 2:17

Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.

JEREMIAH 1:16

Kei naw ka chang gui cu ka m’kyuk gui khai, a i ah kyasei ci ung ngami cu hma kak ci gui: ngami naw kei na nawng ci gui, ahei Khanpughi am khawihnah douthak ci gui, agup gui pyang ne khawihnah ci gui.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

ISAIAH 1:3

Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

THUSHÄUTU 1:2

Ak thuuk hmat ci naw pyen ci, Shin cu akholä nei, akholä ne, ghin nak cu akholä nei, avan akholä nei.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

THUSHÄUTU 2:21

Nang naw na cüivai nak avan, na hmuhmat nak avan, na m’khütnäng nak avan awn na bik ci, cun kawn ah, shin gui avan cu, shin ah phäh ah a i phi kä bik ci am na nawng pek khai kyak ci. Cun cu akholä nei, kä hman ci nei!

THUSHÄUTU 1:14

Shin ah ah khomdek khan ung bilawh gui nü cu kei naw ka hmuk ci nei, kei naw ka ning m’thein gui cu, cun gui avan cu akholä nei, Cun cu khokhi k’täm ne pha ah mäih ah kyak ci nei.

SUKI GUI 10:13

Cun ung phi nangmi naw kei na nawng ne, a hei khanpughi gui nami khawihnah ci, cun ah kiasei kei naw kä ka ning gung ba gui khai.

MIKHAH 6:3

Bawipa naw, “Ka chang gui aw, a i ang ka ning bi pek gui man, a i ah ka ning khüikha sak gui man? Na m’shang vä.

MIKHAH 2:8

Bawipa ah m’shan nak cu, “Kei ah chang gui cu ga ah mäih ah nami tu gui ci. Chang gui cu ng’tuk nak ungka law ba u ne, im ah ngaih gep ne om vai ah ngai ci gui. Cun ung phi nangmi naw ami sui nami m’guk khai ah nami ngäng ci.

JEREMIAH 18:14

Lebanon lung m’htung gui ung khüi kä a book nak om man ne ang? Cun ah m’htung ung khing ciah tui hta gui khawi man ne ang?

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

THUSHÄUTU 12:8

Akholä nei, akholä nei, avan cu akholä nei, cine Thushätu naw pyen ci.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

JOHAN 4:11

Cun ah hnumi naw, “Bawipa, nang ung tui than nak vai phi kä om ci, tui shawk phi thuuk ci, a i chaa ah ghin nak tui gei cu na gah khai ang?

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

ISAIAH 12:3

Tuigei naw tui gha ci a yei sak ah mäih ah, khanpughi naw a chang gui cu hun gui sei, yeikyai ci gui nei.”

JEREMIAH 14:3

Bühmang chang gui naw ami changshäm gui cu tui than khai gui ah tüi gui ci gui; ngami cu tukan gui ah hteit ci gui, cun ung phi tui kä hmuk ci gui; ami tui um a ghawng ah ng’hlat law ba ci gui. Ami k’tha ken sei, ng’gogan u ne, ami hmai thup ci gui.

JEREMIAH 19:4

Kei naw shin ah ka bi lawk khai a i ah kyasei ci ung chang gui naw kei na nawng u ne ahei khanpughi gui am khawihnah nak ami douthak nak awn shin ah hmun cu lelawi sak ci gui. Cun ah khanpughi gui cu ami mät ami pupa gui la Judah ghangpughang gui a u naw phi kä a hmat ah kyak ci. Ngami naw shin ah hmun cu changnigui ah si awn be sak ci gui,

EZEKIEL 47:1

Cun ah chang naw Taigüim ung luh nak täng ah na ng’hlah püi ba ci. Tui cu luh nak ah ungka naw ak kyang täng ah, Taigüim ak kyang ah hmai täng ah long ci. Cun cu Taigüim ah a htumtäng ka ung long law ne, sonkiang ah a htumtäng cu yuk kan ci.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

2 GHANGPUGHANG GUI 22:17

Ngami naw kei na hnungtuk püi u ne, a hei khanpughi gui am khawihnah nak douthak ci gui, cun ah ami kyak gui avan naw kei cu na m’lungshe sak ci. Kei ah m’lungshe nak cu tho ne Jerusalem hnungtuk püi ci nei, cun cu kä dim hlawt khai nei.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.