JEREMIAH 2:11 - Cho Bible Common Language 2016

¹¹ Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.

JEREMIAH 2:11 Referans Kwoze

ROMAN 1:23

Kä si hning ciah Khanpughi khawihmah nak vai sü ung, si hning ciah chang, ni, k’phyu kha, khisa ni, k’phyu m’khaw ni gui ah müi gup gui düt pyang ne khawihnah ci gui.

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

JEREMIAH 16:20

Chang gui naw ami mät ah khanpughi pyang hnung u ne ang? Ka nei, ami pyan hning ah a kyak ung cun cu khanpughi akcang ah kä kyak khai nei.”

SAM 106:20

Ngami naw Khanpughi bämang nak cu, khu ei ciah sei ah gup awn m’thawng ci gui.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

JEREMIAH 2:5

Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

SAM 115:4

Ngami ah khanpughi gui cu, hnicim chang naw a kut awn ghui la ngui a pyan ah kyak ci.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

1 PETER 1:18

Nami pupa gui ah pakhui nami m’düng ah kä shichah ciah ghin nak ung kaa, a i naw a ning phiawn sak gui cu nami hmat ci. Cun cu ghui ngui ah mäih ah dimaih thei ciah kä kyak ci.

KALATIAN 4:8

Nangmi cu Khanpughi kä nami hmat pha ung, Khanpughi ah ng’hlawk ci gui ah khlei htein ah nami kya man ci.

1 SAMUEL 4:21

Ani naw ak hmaw cu Ichabod ah ang ming sui ci, a mawng cu, “Khanpughi ah bämang nak naw Israel gui hteh tak ci” Thukhän M’küm ami guh gui, apughi ah sih la a cei ah sih am dang nak ah kyak ci.

2 SHONTÄP NAK 13:9

Nangmi naw Bawipa ah taigü gui, Aaron ah htangshon gui cu nami k’täm ci, Levit gui phi nami k’täm gui ci. Ngami ah hnün ung chang pakhui hei gui ah bi ah mäih ah taigü gui cu nami m’düih ba ci. A u chang naw phi vantang tumat käcung htome chih a law püi ah a kyak ung, nami pyen ah nami khanpughi gui ah taigü ah kya hning ciah kya ne maw!

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

JEREMIAH 18:13

Bawipa naw pyen ci, “Shin ah mäih cu a cau kya man ne ang ci ne changpakhui päng cu ng’shi vä. Israel chang gui naw kyihkyawk vai cu bi pyi ci gui nei!

EZEKIEL 5:7

Tuhbäi ngai ä, Jerusalem, kei, uktu Bawipa naw ka pyen ci nei. Ka thukhän gui kä ngai ne, ka thumkhän gui kä k’pang ne na kyak nak awn nang cu, ning veing ne om ciah pakhui khaw gui ah tan a khüikha tu ba ci nei. Nang naw chang pakhui a hei gui ah thungyo cu na läk ci nei.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.

THULÄÄN NAK 32:16

Agup ami pyan gui naw Bawipa cu m’thüi sak ci, Akshe ami bi naw ami m’lung shet sak ci.

THULÄÄN NAK 32:21

Agup ami pyan gui naw kei cu nam lungshe sak ci, Khanpughi ami ci gui naw nam thüi sak ci, Cun gui cu akcang ah kä kyak ciah khanpughi gui ah kyak ci. Cun ah kyasei kei naw ngami m’lungshe sak gui khai ah pakhui cu ka mang khai. Ga tuk ciah pakhui awn ngami cu ka m’thüi sak gui khai.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

2 GHANGPUGHANG GUI 1:3

Cun ung phi Bawipa ah khanchang naw Tishbe ah ka prophet Elijah cu thumkhän ne, Ghangpughang Ahaziah ah ng’shängchang gui cu hteit ne hmu gui ne, ami ng’shi vai a pyen cu, “A i ah kyasei nangmi naw, Ekron Khanpughi, Baalzebub cu hteit ne nami ng’shi vai ang? Nangmi naw Israel ung Khanpughi kä om ciah nami ngai ne ma?