JEREMIAH 19:7 - Cho Bible Common Language 2016

⁷ Acun ah hmun ung Judah chang gui la Jerusalem chang gui ah pawng püi avan cu kei naw ka plawh khai, kei naw ngami cu ami ga gui am ngawn sak gui ne ng’tuk nak ung ka ngawn sak gui khai. Ami pumsa gui cu kha gui la khisa gui naw ami ei vai ah ka pe gui khai.

JEREMIAH 19:7 Referans Kwoze

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

JEREMIAH 34:20

Kei naw ngami cu, ngawn gui hlük ciah ami ga gui am ka ap gui khai, ngami ah ami gook gui cu kha gui la khisa gui naw ei gui khai.

JEREMIAH 15:9

A hta chih maih ciah nu nu cu ng’gäih pyi ci nei, ang ghi kä ng’täi ba ci nei. Ani ah khok dei cu mühmüp ah ng’hlat ci nei; ani cu thüisei ne amlung kyong na pyi ci nei. Ghing ba shut ciah cun ah nangmi cu nami ga gui am ka ning ngawn sak gui khai nei. Kei, Bawipa naw ka pyen nei.”

JEREMIAH 15:2

Ngami ahawi ami hteh vai ami ning shi law ah a kyak ung kei naw ka pyen cu m’thein gui ä: amshah gui cu nat nak awn ng’ziin ne sik khai gui. Cun cu ngami ah hteh nak vai ah kyak ci! Am shah gui cu ng’ziin u ne ng’tuk nak ung sik khai gui — Cun cu ngami ah hteh nak vai ah kyak ci! Amshah cu ei ah cawi ne sik khai gui Cun cu ngami ah hteh nak vai ah kyak ci! Amshah cu pha ne hteh püi khai gui Cun cu ngami ah hteh nak vai ah kyak ci!

JEREMIAH 7:33

Gook gui cu kha gui la khisa gui ah buh ei ah kyak ci, cun ung cun gui k’täm khai a u phi kä om ci.

ROMAN 4:14

A vaisü ah thukhän läk ciah chang naw vah shaitaak cu küm sei gah khai ah a kyak läi ung, chang ah yum nak phi a kholä ah kya ne, Khanpughi ah shaitaak phi a kholä ah kyak khai.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

NG’ÄI KYAH 3:37

Bawipa ah ang yak hlü cu angtäi sei kawh chan nei.

JEREMIAH 46:26

ngami ngawn hlü gui ciah Babilonia ghangpughang Nebukhadnezzar la a gakap gui am ka ap gui khai. Cun ung phi a ngawi ah, ng’pyi pyi ciah akhin ung ami om man ah mäih ah chang gui cu Egypt ung om ba khai gui. Kei, Bawipa naw ka pyen ci.”

JEREMIAH 22:25

nang naw na kyih gui ah chang la nang ning ngawn hlük ci gui ah chang gui am ka ning pek khai. Kei naw nang cu Babilonia ghangpughang Nebukhadnezzar la a gakap gui am ka ning ap khai.

JEREMIAH 22:19

Ng’sela asih ung ami ciah mäih ah ani cu saw ne hteh püi ne, Jerusalem m’kawt ah akpung ah ghawt khai gui nei.

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

JEREMIAH 8:8

Nangmi naw a i hawkcha ah kei ah ka thukhän hmat ne, nami cüivai ciah nami pyen khai ang? Teng vä, thukhän gui cu kä ng’düng ciah cacim saya gui naw m’thawng pyi ci gui nei.

JEREMIAH 8:9

Nami cüi vai chang gui cu lü ng’aa ci gui nei. Ngami cu ng’gogan u ne, cuun ung awk ci gui nei, Ngami naw kei ah ng’thu cu hnungtuk ci gui, tuhbäi a i cüivai nak ang ngami naw ami gah?

JEREMIAH 32:28

Kei naw shin ah mang gaw cu Babilonia ghangpughang Nebukhadnezzar la a gakap gui am ka pe lawk khai nei, ngami naw tu ne khäm khai gui,

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

1 SAMUEL 17:46

Shin ah hnüüp ung Bawipa naw nang cu kei ah ka huham kyong ung ning tha ci nei; kei naw nang cu ning hnim ne, na lu ka ning täng khai nei. Kei naw Philistin gakap gui ah pumsa gui cu kha gui la khisa gui am ka vuh khai nei. Cun kawn ah khaw ah khan ung chang van naw Israel gui ah Khanpughi om ci, cicu hmat khai gui,

2 GHANGPUGHANG GUI 21:14

K’pawih ba ciah chang gui cu k’htät gui ne, ami khaw khän ne gut gui khai ah ami ga gui am ka ap gui khai.

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”