JEREMIAH 19:13 - Cho Bible Common Language 2016

¹³ Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

JEREMIAH 19:13 Referans Kwoze

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

2 GHANGPUGHANG GUI 23:12

Ghangpughang Ahaz ah om nak ah khan, mang im ah ak cih khan ung Judah ghangpughang gui naw ami cawh ah sonkiang gui la Taigüim hmun goi ah anglak ung ghangpughang Manasseh naw a cawh ah sonkiang gui cun phi Ghangpughang Josiah naw phye ne; khui ne ng’pyäuh khai ah ci neta, Kidron Khongnawi ung ghawt ci.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

JEREMIAH 44:18

Cun ung phi khankho ghangpughang nu am khawihnah nak kä bi ba ne, ani am sapyit douthak nak phi kä bi ba ne kami om ung tün ne, keimi ung a i phi kä om ba ci, kami chang gui phi ng’tuk nak ung la ei ah cawi ne sik ci gui.

SAM 79:1

O Khanpughi, khuihei gui naw na khaw kaan lawk ci gui nei. Ngami naw na Pumim theing ng’gogan sak u ne, Jerusalem phi m’shet ci gui nei.

SAM 74:7

Ngami naw na Taigüim cu pye ne mei awn m’khih ci gui; ning khawihnah nak ah hmun phi m’shet ci gui.

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

LAMKTU 7:42

Cun ah kyasei Khanpughi naw ng’hlah tah gui neh, khankho ah aisi gui ah k’taigü sak gui ci. Cun ah mawng Profet gui ah ca guk cu; Israel chang gui aw, nang mi naw ‘Pya lün nu ah khaw kum phli-kip ah kyawng ung m’ghu ng’tha neh nami tumbei cu,

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

JEREMIAH 52:13

Ani naw Taigüim, mang im la Jerusalem ung küikyang ciah chang gui avan ah im gui cu m’khih yawp ci;

2 GHANGPUGHANG GUI 23:14

Ghangpughang Josiah naw lungtung gui cu ci hnget hnget ne, khanpughinu Asherah ah gup gui cu chawm pit yawp neta, a cun gui ah ami ng’düih nak ah hmun cu chang ah guh gui awn be sak ci.

LAMKTU 10:9

Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

JEREMIAH 19:12

Kei naw shai ka tak ci, shin ah mang gaw la shin ung chang gui cu Topheth ah mäih ah kei naw ka cik khai.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?