JEREMIAH 18:22 - Cho Bible Common Language 2016

²² Ami im gui tu ne phyek khai gui ah chang bum cu kä m’thein gui ah tüi law gui ä; kyi kyawk ne kyah sak gui ä. Ngami naw kei ah ng’kiak nak vai ah khui shawk u ne, ami nap ha nak vai ah cuun cuung ci gui nei.

JEREMIAH 18:22 Referans Kwoze

JEREMIAH 6:26

Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.

SAM 140:5

Chang m’thüi gui naw kei am m’hling na ban ci gui; Ngami naw cuun cuung u ne, lam ah ng’län ung ami na pha nak vai m’hling bang ci gui.

ZEPHANIAH 1:16

ng’tuk nak phyungheng tum k’aw be ne, gakap gui naw mang küi ami tuk nak la tänghän hlüng ami plawh nak ah k’aw gui ng’shan khai.

MATTHE 22:15

Cun kawn ah pharisee gui cu hteit ba u netah, ani cu a i i ah thuvi ne ng’shi vai ang’ cine ng’gepai ci gui.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 18:20

Akni ah phäh ah akshe cu pek vai ah kya ne ang? Cun ung phi ngami naw kei ah kyak nak vai khui co ci gui nei. Nang ah a i hawkcha ah law ne, ngami ah hmawk ah ng’thu ka pyen cu shüm ba ä, cun ah kyasei nang naw m’lungshe nak awn kä na om püi gui vai nei.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

ISAIAH 10:30

Kallim chang gui m’lau vä! Laishah chang gui ngai vä! Anathoh chang gui naw m’shang vä!

SAM 38:12

Kei na ngawn hlük ci gui naw cun cuung ne na mah u ne; Na m’kat hlük ci gui cu akshe ah pawng ci gui nei. Ngami naw kä ng’düm phung ne kei cu na hnu ng’tuk püi ci gui.

SAM 119:85

Chang ah ng’shei ne, na thukhän kä läk ciah chang gui naw kei ah kyak nak vai ah khui shawk ci gui nei.

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

JEREMIAH 20:16

Cun ah chang cu Bawipa naw am gein kaa ah amdi ah mang gaw gui ah mäih ah kya sä. Ani naw kho ngawitäng ah m’neh ne ng’hlo ei nak cu ng’ya sä, kho hnüüp yah ung ng’tuk nak ah k’aw cu ng’ya sä,

SAM 140:6

Kei naw Bawipa am, “Nang cu ka ning Khanpughi nei.” Ka m’lau cu ng’ya ne, na m’htei ä, Bawipa!

SAM 142:4

Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.