JEREMIAH 18:21 - Cho Bible Common Language 2016

²¹ Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 18:21 Referans Kwoze

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

NG’ÄI KYAH 5:3

Kami pa gui cu ga naw ngawn gui ci nei, tuhbäi kami nu gui cu hmeinu ah kyak ci gui nei.

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

JEREMIAH 9:21

Sih nak cu m’kawt gui ung law ne, mi mang im gui ung lut lawk ci nei; A cun naw a hmaw hta gui cu lam ung ngawn gui ne, chang nong gui cu sumlei hmun ung ngawn gui ci nei.

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.

PHYAWN NAK 22:24

Cun kawn ah m’lungshe ne ng’tuk nak ung ka ning ngawn gui khai. Nami chu gui cu hmeinu ah kyak khai gui, nami hta gui cu ami pa maih khai.

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

JEREMIAH 12:3

Cun ung phi Bawipa, kei cu na nah mat ci; kei naw a i ka bi cu nang naw na hmuk ci, a i hlawk ah ka ning m’hni cu na hmuk ci. Ami ngawn vai ah htome gui ami so gui ah mäih ah shin ah changshe gui ahei ah saw gui ä; Ngawn nak gui vai ah akhin kä a gawk law pha ah chuih ngami cu ngäng gui ci gui nei.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

SAM 63:10

Ngami cu ng’tuk nak ung sik khai gui, ami pumsa cu sa-ui naw ei gui khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 13:18

Ami li la ami m’la awn ngami naw chang nong gui cu ngawn khai gui. Ngami naw ami hta hta gui phi kä chihna khai gui, ak hmaw hta gui phi kä m’gein khai gui.

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

JEREMIAH 15:7

A gawnu päng kho avan ung kei naw nangmi cu ko ah mäih ah khokhi ung ka ning ghawt gui khai. Ka chang gui, kei naw ka ning m’di gui khai, Nami htanau gui cu kei naw ka ngawn gui khai, a i ah kyasei ci ung nangmi naw akshe ah nami om cu kä nami ng’düm sak ci.

JEREMIAH 50:30

Cun ah kyasei ani ah chang hong gui cu mang gaw lam gui ung ngawn gui vai, ani ah gakap gui avan cu can ah hnüüpung m’di gui vai. Kei Bawipa naw ka pyen nei.

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

EZEKIEL 16:38

Na pletbeng ah phäh la chang na ngawn ah phäh ah kei naw ka ning m’shut khai, ka m’lung she nak la ka m’lung so nak awn, kei naw sih nak ung ka ning m’kyuk khai.

EZEKIEL 22:25

Ami ng’vai gui cu phongkawng alawh vai ah khisa ah khan ah am ngaw ah mäih ah kyak ci gui. Ngami naw chang ngawn ci gui, ami ngui avan la ami khawh ami gah hning phung cu lak ci gui, chang ami ngawn gui naw hmeinu akda nawng shüt ci gui.

SAM 63:11

Khanpughi ah a pek ah näng nak awn ghangpughang cu yeikyai khai. Khanpughi ah aming ung shaitak ci phung naw m’taam ngak khai, cun ung phi hleei ciah m’gawng cu khai pek khai.

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.