JEREMIAH 18:20 - Cho Bible Common Language 2016

²⁰ Akni ah phäh ah akshe cu pek vai ah kya ne ang? Cun ung phi ngami naw kei ah kyak nak vai khui co ci gui nei. Nang ah a i hawkcha ah law ne, ngami ah hmawk ah ng’thu ka pyen cu shüm ba ä, cun ah kyasei nang naw m’lungshe nak awn kä na om püi gui vai nei.

JEREMIAH 18:20 Referans Kwoze

SAM 57:6

Ka gaa gui naw ami na pha nak vai ng’vai cung ci gui; kei naw thüi lü nak awn ka phlän ci. Ngami naw ka lam ung m’vam co ci gui, cun ung phi ami mät kya ba ci gui.

SAM 35:7

A mawng kä om ciah ami na pha nak vai cuun cung u ne, m’vam phi ak thuk ah co ci gui nei,

SAM 106:23

Khanpughi naw a chang gui cu m’di gui khai ah pyen khäta, a ghü ah ak changshäm Moses naw, ng’düi law ne pyen tu ba sei, Am di nak gui vai ah am lungshe nak cu k’üüp ci.

SAM 35:12

Akni ka bi phung cu akshe awn na sah u sei, ka ngaih u vai maih ci nei.

JEREMIAH 18:22

Ami im gui tu ne phyek khai gui ah chang bum cu kä m’thein gui ah tüi law gui ä; kyi kyawk ne kyah sak gui ä. Ngami naw kei ah ng’kiak nak vai ah khui shawk u ne, ami nap ha nak vai ah cuun cuung ci gui nei.

THUSHÄUTU 10:8

Khui shawk cicu khui ung ng’kyak ci, k’pang phyet cicu k’phyu naw m’cuuk ci.

NG'THU K'THUUK~ 26:27

Chang hei ah awh nak vai ah cuun cuung ci gui cu, ami mät awk ba ci gui. Näng lawk ciah chang gui cu dishum ci gui.

SAM 119:95

Changshe gui naw, na ngawn khai gui ah na ngäng ci gui nei, cun ung phi kei naw na thukhän cu ka ngaih nak khai nei.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

JOHAN 10:32

Bawipa Jesuh naw, “Kapa naw na tüi täk sei, kei naw akni gui ka bi pyi ci, cun gui yung kaa a i ah phäh ah, kei lung awn nami na vawih hlü ang?” cik ci.

JEREMIAH 14:20

Bawipa, nang ning hnungtuk püi ne kami hmakat cu, kami mät ah katnak la pupa gui ah katnak cu kami ng’kiaa ci nei.

JEREMIAH 11:14

Jeremiah, shin ah chang gui ah ami chaw ah kei ah kä na tai gü en vai, kä na yoih thäh en vai. Ngami cu khüikha nak ung gawk ne, m’htei gui vai ah ami na khü law ah a kyak ung kei naw kä ka ngai gui khai nei.”

JEREMIAH 7:16

Bawipa naw pyen ci, “Jeremiah, shin ah chang gui ah phäh ah kä na taigü en vai. Ngami ah hnün ung kä na kyah en vai. Kä na taigü en vai; Kei ah kä na taigü en vai, kei naw kä ka ning ngai khai.

NG'THU K'THUUK~ 17:13

Akshe cu akni awn na sah ung na im k’caw ung akshe ka law hteit hlawt khai.

SAM 38:20

Kei naw düng ci bi vai ka tha nak ah hmawk ah, akni cu akshe awn thung ciah chang gui naw, na hnu ng’tuk püi ci gui nei.

SAM 7:15

Cun ung phi chang ah kyak nak vai ah ami cawh ah thai ung ami mät kya ba ci gui nei.

JOB 6:27

Nangmi naw hmeihta khlei htein gui ah phäh ah m’shüih tawk ne nami bik ci, Nami ng’kawt ciah nami teihpüi gui ungka nami mät nami bühmang vai ah nami bik ci!

1 SAMUEL 19:4

Jonathan naw Saul ah ma ah David cu m’tam ne a pyen cu, “Bawi aw, Na changshäm David ah khan ah chei khai ah kä na bi vai nei. Ani naw nang ung a i phi a hma kä bik ci; ang lakmah nak cu, ani naw abi phung cu nang ah phäh ah ak dämduh ah m’htei htang nak ah kyak ci.

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

JEREMIAH 18:19

Cun ah kyasei kei ka taigü ci, “BAWIPA, kei ah ng’thu pyen cu na ng’yak pe ä, ka ga gui naw kei ah mawng ami pyen cu ng’ngaih pe gui ä.

JEREMIAH 27:18

Ngami cu prophet akcang ah kya u ne, kei ah ng’thu cu ngami ung om ciah a kyak ung, Taigüim la bawi mang im ung om ba ciah m’küm khawhgui cu, Babilonia ah kä htet püi vai ah kei, m’gäu cuag Bawipa cu na ng’shi law u sä.”

NG’ÄI KYAH 3:59

Kei täng ah ng’thumcha ä, nang naw na hmat ci, cheishoh ci bi nak naw na hnungtuk püi ci nei.

JEREMIAH 17:18

Kei na dukdeiu nak ci gui ah khan ah thüisei nak law püi ä. Cun ung phi Bawipa, kei cu nak pawih na ä. Ngami cu kyihkyawk nak awn be sak gui ä, cun ung phi kei cu kä na kyihkyawk sak en ä. Ngami ah khan ah leigai law püi ne, akhui k’pii ah kyak sak gui ä.