JEREMIAH 18:16 - Cho Bible Common Language 2016

¹⁶ Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

JEREMIAH 18:16 Referans Kwoze

SAM 22:7

Na hmuk ciah chang phung naw na gaih tu u ne, ami m’lei m’teh ne, ami lu tum ci gui.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 19:8

Kei naw shin ah kyih vai ah tuk hnim nak cu shin ah mang gaw ah khan ah ka law püi khai, a shin sun pah ci ng’nü cu cäi ne alu tum khai.

MATTHE 27:39

Acun ah pei ah hteit ciah chang gui naw, ami lu tum ne Bawipa Jesuh cu k’shedam nak ci gui.

MIKHAH 6:16

Shin gui ah a kyak law cu ghangpughang Omri la ahta Ahab ah omshe nami läk ah phäh ah kyak ci. Ngami ah bi cu nami läk lä ung di nak ung ka ning hteh püi gui khai. Chang van naw ning päipih khai, khaw nü ah chang naw nin m’kyuk khai gui” cik ci.

JEREMIAH 50:13

Kie ah m’lungshe ah phäh ah Babilon ung a u kä om ba khai nei: cun cu m’di ne nawng khai gui, acun smn pah ci chang avan cu cat ne cäi khai gui nei.

JEREMIAH 49:13

Kei ka mät ka ng’taam ci nei, Borah mang gaw cu hmuh vai ah kyihkyawk vai ah kya ne, bung ah kyak khai nei; chang gui naw m’lepse u ne, aming cu plah taam nak ah mang khai gui nei. Apei yung ah pigaw gui avan cu khonglän ung di khai gui nei. Kei, Bawipa naw ka pyen nei.”

1 GHANGPUGHANG GUI 9:8

Shin ah Taigüim cu ng’phye ne ng’phluk khai, acun ah pei ah hteit ciah chang phung cu cat ne cäi khai. ‘A i ah kyasei Bawipa naw shin ah khaw la shin ah Taigüim ah khan ah shin ah a bi ang?’ cine ng’shik khai gui.

MAKUH 15:29

Lam ung hteit hton ciah chang gui naw Bawipa Jesuh cu m’hai ne dan u netah, “Pum im cu gäi netah hnüüp thum ung co ba khai ah chang can ah maw!

ISAIAH 37:22

Bawipa naw pyen ci, “Sennacherib aw, Jerusalem mang gaw naw ning gaih tuk ci nei, ning päipih ci nei.

EZEKIEL 12:19

Pakhui avan am m’thein gui ä, shin ah ng’thu cu ami khaw ung om lä ci gui ah Jerusalem Chang gui am uktu Bawipa naw a pyen nak gui nei: Ngami cu ami ei ung ng’hlet u ne, ami aw kung kyi ne ng’thüng khai gui nei. Ami khaw cu ka k’dee sak khai, a i ah kyasei ci ung om ciah chang gui cu thukhän kaa ah ami om ah phäh ah kyak ci.

EZEKIEL 6:14

Kei naw ka kut shäng ne ami khopäng ka m’di khai. Kei naw ai phi kä k’pawih na ne, a htumtäng khong gau ungka naw a siiptäng Riblah mang gaw ung khüt sei shet sak ne, Israel gui ah om nak ah hmun phung kä ka k’pawih nak khai. Cung kawn ah chang nü naw kei cu Bawipa ah na hmat khai.”

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

SAM 44:14

Chang pakhui gui ah ng’lung ah chang naw ana khui shui gui vai ah na bik ci, Ngami cu keimi ah khan ah ami lu tum ne mak ci gui.

THULÄÄN NAK 29:23

Khaw lo gui cu käu ne maih khai la m’shi naw küm khai. A i geit na kä gah vai. Khumghaw phi cun ung kä pyou hlawt khai. Nami khaw cu Bawipa naw aknui ah amlungshe yah ung amdi ah Sodom la komorrah, Admah la Zeboiim mang gaw gui ah mäih ah kyak khai.

THULÄÄN NAK 28:59

ani naw nangmi la nami htangshon gui ah khan ah m’htei ne kä m’khüt vai ah nat nak la kä ng’düm hlawt ciah kyih aih vai ah leigai cu yuk chah lawk khai nei.

TAIGÜTHUM 26:43

Ak htük ung, a i ah a kyak ung phi, khonglei naw a chang gui cu heng gui khai, cun ah kyasei ani cu akbe ah ng’düm khai. Cun kawn ah ngami naw ka thukhän gui la ka thumkhän gui ami hnungtuk püi ah phäh ah ng’gei nak akbe pek khai gui.

TAIGÜTHUM 26:32

Kei naw nami khaw cu ng’pyi khai ah ka m’di khai, cun ung om ciah ga gui cu cun ah dishum nak hmu neta ng’thüng khai gui.

SAM 109:25

Chang gui naw ami na hmuh ung na gaih tuk ci gui, nakshe na ne ami lu tum ci gui.

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

JEREMIAH 48:27

Moab, nang naw Israel chang gi a i hawkcha na m’lepse nak gui cu shüm ba ä? Gut tep ciah m’guk ei m’bum gui ami pha gui awn m’täng ne na om püi gui ci nei.

JEREMIAH 49:17

BAWIPA naw pyen ci, “Edom ah khan ah gawk lawk khai ah m’dishum nak cu tükyai aih ci kya sei, acun sunpah ci nü cu cat ne kyi aih khai gui.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.

EZEKIEL 27:36

Nang cu na ng’pyi pyi ci, ngawi ä na ng’pyi ci nei, khomdek khan avan ung shumlei chang gui cu kyikyawk ci gui nei, ngami cu nang ah mawngma ami ng’küh tu vai ah phi kyik ci gui nei.

EZEKIEL 36:3

“Cun kawn ah ng’cängbang neta, kei, uktu Bawipa naw ka pyen cu ng’shäu ä. Apeileng yung ah om ciah pakhui gui naw tu ne khäm ne, Israel khomhtung gui cu ami gut tep sang ung, ngami ami van naw Israel cu shedam nak ci gui.

2 SHONTÄP NAK 29:8

A shin ah phäh ah Bawipa cu Judah la Jerusalem ah khan ah m’lungshe neta, ngami ah khan ah abi gui naw chang nü cu kyihkyawk sak ne, ng’thüng sak ci. Cun cu nangmi naw nami hmat aih ci.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 51:37

Cun ah khopäng cu di ne ng’pum khai, khisa gui ah om nak ah kyak khai. Cun cu ten gung kyihkyawk vai kya ne, a cun ung a u phi kä om khai, cun hmuk ciah chang avan cu cäicat khai gui.

JEREMIAH 51:43

Gawnu gui cu ten gung kyihkyawk vai ah kya u ne, a u naw kä a om nak, hteh phi a u naw kä a hteh nak ah tui kä om ciah bung ah kiakk ci nei.