JEREMIAH 18:15 - Cho Bible Common Language 2016

¹⁵ Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

JEREMIAH 18:15 Referans Kwoze

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.

JEREMIAH 2:32

Hnumi non gnaw a awi ah cümlung m’hnih man ne ang? Ceimah ci naw ng’chungla nak sui m’hnih man ne ang? Cun ung phi ka chang gui naw kä khei hlawt vai ah hnüüp gui ung kei na m’hnih ci gui nei.

ISAIAH 57:14

Bawipa naw pyen ci, “Ka chang gui kei ah law ba u sä. Ami lam ung ng’vawntam nak gui vai phung cu nawt heng vä. Lam phi co vä, pyang ge vä!

MALAKHI 2:8

“Cun ung phi tuhbäi nangmi taigü gui cu, lam ng’düng ungka nami ng’phleng ci. Nami m’theithang naw akshe akda bi vai ah lam shüm ci. Nangmi ung ka ng’thumkhän cu nangmi naw nami gäi ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

JEREMIAH 10:15

Ngami cu a kholä ah kyak ci gui, päiphi vai ah kyak ci gui; Bawipa naw ngami cu m’kyuk gui khai ah a law ung, ngami cu m’di gui khai.

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

MATTHE 15:6

A cu cha ah nangmi cu Khanpughi ah thukhän nawng-en u ne, nami mät ah thungyo cu nami läk ci.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

JEREMIAH 13:25

Cun cu nami ma nak ah kyak ci, cine ani naw pyan ci nei. Shin cu nangmi ah khan ah abi vai ah ani naw akbäi ah kyak ci, a i ah kyasei ci ung nangmi naw ani cu m’hnih u ne, Khanpughi she gui nami khawihnah ah phäh ah kyak ci.

JEREMIAH 3:21

Khomhtung khan ung k’aw tumat ng’yak nei; cun cu Israel chang gui ah ami kyah la ami ng’pa nak kyak ci, a i ah kyasei ci ung ngami cu katnak ung ghing om ne, Bawipa ami khanpughi ami m’hnih ah phäh ah kyak ci.

ROMAN 14:21

Nami phäi nau naw shetkat nak khai a kyak ung, asa phi bäi sapyit tui phi bäi, a hmün a i ei auk phi bäi, avan nami hlawi vai.

JEREMIAH 19:5

ngami naw Baala am ami hta nau gui m’khih ne ami khawihnah nak vai ah sonkiang gui phi co ci gui. Kei naw shin ami bi vai ah kä ka thumkhän gui ci; shin cu ka m’lung kyong ge ung kä om ci.

ISAIAH 62:10

Jerusalem chang gui, mang gaw ah k’pung ah hteit u ne, law ba khai gui ah nami chang gui ah phäh ah lam co ne pyang vä! Lam k’cawh nu pyang vä; lung gui nawt heng vä! M’hnüt nak ah alan cu hleek vä, cun ung chang pakhui gui naw hmat khai gui,

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.

ISAIAH 3:12

Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

ISAIAH 65:7

ami katnak la ami pupa gui ah katnak ah phu cu thung khai gui nei. Ngami naw khongyo khawihnah nak m’htung khan phung ung tui ng’ui m’khi u ne, kei cu akshe ah na pyen ci gui-cun ah kya sei, yanä ami om ih ah ciah kei naw ka m’kyuk gui khai.”

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

JEREMIAH 18:14

Lebanon lung m’htung gui ung khüi kä a book nak om man ne ang? Cun ah m’htung ung khing ciah tui hta gui khawi man ne ang?

JEREMIAH 51:18

Cun gui cu akholä ah kyak ci gui, päipih vai kyak ci gui; cun gui teng khai ah Bawipa a law ung Bawipa naw cun gui cu m’di gui khai.

EZEKIEL 21:15

Acun aw ka chang gui cu ami k’tha maih sak gui ne, kyuk ng’tät sak gui ci. Kei naw ami mang gaw lailäp ne pyü ne, ngawn nak ge vai ah kyak ci awn ka m’kyih m’kyawk khai.

EZEKIEL 36:15

Shin ah khaw naw changpakhui gui ah züih shaa nak, kä ng’ya ba khai, chang gui ah m’lepse nak phi kä hmu ba khai. Cun ah khaw naw changpakhui ah hta nau gui phi kä hmu ba khai. Cun ah khaw naw changpakhui ah hta nau gui phi kä gut tep ba gui khai. Kei, uktu Bawipa naw ka pyen nei.”

HOSEA 2:6

Kei naw ani cu ng’hling awn ng’vong ne a lam shung ne ka paang khai.

THULÄÄN NAK 32:21

Agup ami pyan gui naw kei cu nam lungshe sak ci, Khanpughi ami ci gui naw nam thüi sak ci, Cun gui cu akcang ah kä kyak ciah khanpughi gui ah kyak ci. Cun ah kyasei kei naw ngami m’lungshe sak gui khai ah pakhui cu ka mang khai. Ga tuk ciah pakhui awn ngami cu ka m’thüi sak gui khai.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

JEREMIAH 1:16

Kei naw ka chang gui cu ka m’kyuk gui khai, a i ah kyasei ci ung ngami cu hma kak ci gui: ngami naw kei na nawng ci gui, ahei Khanpughi am khawihnah douthak ci gui, agup gui pyang ne khawihnah ci gui.

JEREMIAH 11:12

Cun ung Judah la Jerusalem chang gui cu khawihnah ami douthak nak ah khanpughi gui ah hteit khai gui, ngami naw ami m’htei gui vai ah k’thäh khai gui. Cun ung phi shin ah dishum nak a gawk law ung cun ah khanpughi gui naw kä hun hning khai gui.

JEREMIAH 11:13

Judah chang gui ung ami mang gaw gui chü, ami khanpughi gui lawk ci, Jerusalem ung om ci gui naw, mang gaw ung ami lam gui chü ah shemshai ciah Baala Khanpughi ami khawihnah nak sonkiang gui cu pyan ci gui.

JEREMIAH 11:17

“Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.