JEREMIAH 18:13 - Cho Bible Common Language 2016

¹³ Bawipa naw pyen ci, “Shin ah mäih cu a cau kya man ne ang ci ne changpakhui päng cu ng’shi vä. Israel chang gui naw kyihkyawk vai cu bi pyi ci gui nei!

JEREMIAH 18:13 Referans Kwoze

JEREMIAH 5:30

Kyihkyawk vai la cäicat vai cu shin ah kho ung kya lawk ci nei:

HOSEA 6:10

Israel khaw ung kyihkyawk vai kyak ci cu, kei naw ka hmuk ci. Ka chang gui naw agup khawihnah u neami mät naw ami mät lelawi sak ci gui.

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

ISAIAH 66:8

Nangmi naw cun ah mäih cu nemi hmu man, nami ng’ya man ne ang? Chang pakhui tumat cu hnüüp ät bäng ung ng’tüi law man ne ang? Zion cu chang pakhui kä ang tüi pha ung ak sho kä yaica hnga khai nei.

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

1 KORIN 5:1

Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

ISAIAH 36:22

Eliakim, shebna la Joah cu thüisei ne ami sui k’teek u neta, hteit ba ne, Assirian bawi ah thu pyen eu ghangpughang am m’thein ba ci gui.

1 SAMUEL 4:7

gawk law ba cu hmu u ne kyi u neta, “Khanpughi cu ngami ah phung kyong ah lawk ci nei! Mikmi mi maih ci nei! Khotuh güt ung shin ah mäih mikmi ung a i, i ah kä kya man ci nei!

JEREMIAH 18:14

Lebanon lung m’htung gui ung khüi kä a book nak om man ne ang? Cun ah m’htung ung khing ciah tui hta gui khawi man ne ang?

AMOS 5:1

Ngai vä, Israel chang gui, shin cu kei naw ka ning ng’äi gui ah gook kyah ng’äi ah kyak ci.

AMOS 5:2

Lamihta Israel cu kyu ne ng’yän ci nei. Kä tho law ba hlawt ci! Ani cu khomdek ung amät bäng ng’yän ci, a u naw kä m’tho tuba ci.