JEREMIAH 18:12 - Cho Bible Common Language 2016

¹² Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

JEREMIAH 18:12 Referans Kwoze

JEREMIAH 2:25

Israel, ahei khanpughi gui na gawt nak awn na khaw kä na plui sak vai. Cun ung phi nang naw na pyen ci, “Ka nei! Kä ka ng’hlat law ba khai. Kei naw akho hei khanpughi gui ka m’hni gui ci, ngami ah hnu ah ka hteit khai.”

THULÄÄN NAK 29:19

Nami cim vai vai tuhngawi shin ung, Shin ah thuuk ciah k’thäh nak gui ng’yak ciah chang a u kä om ci. A mät ah ngaih ah linglai ne kya lang ne phi, avan ani ung bä khai ah ngaih-tüh ci a u kä om ci. Acun naw chang ni, chang she, a täng ah nangmi nami van ning m’di gui khai.

JEREMIAH 16:12

Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

ISAIAH 57:10

Nangmi cu ahei khanpughi gui shui ne nami cümbawng ung phi, kä nami m’lung k’si p ung ci. Nangmi naw shemshai ciah agup gui naw thagui ning pek gui ciah nami ngai ci, cun ah kya ne nami thagui kä ken law phung ci.

LUKA 1:51

Am gäi nak ah a kut awn am lung m’däm ci gui cu, m’taai gui yawp ci.

JEREMIAH 3:17

Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

EZEKIEL 37:11

Khanpughi naw na pyen nak ci, “Hnicim chang, Israel chang gui cu shin ah guh gui ah mäih ah kyak ci gui. Ngami naw, ngami cu chawng pyi ci gui, ngaih u vai kä om ci, ma lam ah ka vai kä om ciah pyen ci gui.

JEREMIAH 44:17

Keimi naw kami bi vai ah kami pyen phung cu keimi naw kami bik kha nei. Keimi naw kami khawihnah nak cu khankho ghangpughangnu, kami khanpughinu am kami do thak khai keimi naw kami sapyit tui-douthak phiani am kami lawi khai, cun cu keimi la kami pupa gui, kami ghangpughang phiani am kami lawi khai, cun cu keimi la kami pupa gui, kami ghangpughang gui la kami bawi gui, naw Judah gawnu gui la Jerusalem lam gui ung ami bi man ah kyak ci. Cun ah kya ne ci vai da sei, bühmang ne, yaica nak kä om man ci.

JEREMIAH 23:17

Kei ah ng’thu kä ngai ne mak ciah chang gui am, ‘Nangmi ung apäng avan bä lawk khai nei’ cine pyen nak ci gui. Ngami naw am lung liing ciah chang nü am leigai naw kä ning tawn khai nei, cine m’thein ci gui.”

JEREMIAH 11:8

Cun ung phi ngami naw kä ngai ci gui, kä läk ci gui. Cun nak vaisü ung chang nü cu ami m’lung ling ne shekha lä ne om ci gui. Kei naw thukhän ami k’paan vai ah ka ng’thumkhän gui ci, cun ung phi ngami naw mak ci gui. Cun ah kyasei cun ung ami guk ah m’kyuk nak avan cu ngami ah khan ah ka gawk sak ci.”

2 GHANGPUGHANG GUI 6:33

Ani cun ah ang thu vai am, ghangpughang gawk law neta, “Shin ah yaica nak mikmi ah khan ah gawk law sak cicu Bawipa ah kyak ci nei! Ani naw a i baw a bi law vai cu a i ah kyasei kei naw ka ngäng lä vai ang?” cik ci.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

MALAKHI 3:14

Nangmi naw, “Khanpughi ah bi bi cu akholä nei, a pyen ah bi ne, hlüngtai ciah Bawipa ah ma ah mi bi lawh ah hmawk ah thüi sei nak m’dang cu a i ah bäni nak om ci ang?

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.