JEREMIAH 18:10 - Cho Bible Common Language 2016

¹⁰ Cun ah pakhui khaw naw ka pyen kä ngai ne, akshe ami bi ah a kyak ung, kei naw ka bik khai ah ka pyen cu kä ka bik khai.

JEREMIAH 18:10 Referans Kwoze

EZEKIEL 33:18

Ng’düng ciah chang naw akni a bi cu nawng ne, akshe cu tün ne a bi ah a kyak ung, acun ah phäh ah ani cu sik khai.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

1 SAMUEL 15:35

Samuela naw a ghin ah chuih ghangpughang cu kä hmu ba ci; cun ung phi ani ah khan ah ng’ä ai ci. Saul cu Israel ghangpughang ah kyak khai ah a bi ah phäh ah Bawipa cu a yä ci.

KHEI NAK 14:22

Shin ah chang a u phi cun khaw ung lut khai ah kä ghing khai gui. Ngami naw pyü ne ng’shü ciah ka ghin om cu hmu pyi ci gui. Egypt la bungpuk ung cäi aih vai ka m’dang cu hmu pyi ci gui. Ngami naw kei ah m’lung sau nak cu leng ba ba ne na k’tek u na, kei ah ng’thu ami läk vai ah mak ci gui.

EZEKIEL 45:20

Acun ah cha a hnüüp chih ung, kä ngaih-tüh ah katnak bik ci gui la kä ami hmat su ah katnak bik ci gui ah phäh ah nangmi naw acun ah nami bi vai. Acun cha ah nangmi naw Taigüim cu nami theingcim sak vai nei.

KHEI NAK 14:34

Nangmi naw nami katnak ah a mawngma gui cu, khokum phlikip ung nami yaica nak khai. Khokum ät cu nangmi naw khaw nami däät nak ung ng’pyi ciah hnüüp phlikip ungka hnüüp ät ci awn ng’müi ci. Cun ung nangmi naw kei naw ka ning hnungtuk püi gui ah mawng cu nami hmat khai.

KHEI NAK 14:23

Kei naw ami pupa gui am shai ka tak ah khaw ung ngami cu kä lut tu phung khai gui. Kei na hnungtuk püi ciah chang phung cu, acun ah khaw ung kä lut tuk khai.

EZEKIEL 33:12

“Tuhbäi, hnicim chang, Israel gui m’thein gui ä, changninaw katnak a bi ah a kyak ung, ani a bi naw ani cu kä hun kkhai nei. Chang shekha naw akshe a bi cu ang düm ah a kyak ung, ani cu m’kyuk nak kä om khai, akni naw tün ne katnak a bi ah a kyak ung ani ah ghin nak cu kä phyawng khai nei.