JEREMIAH 17:9 - Cho Bible Common Language 2016

⁹ “Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

JEREMIAH 17:9 Referans Kwoze

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

NG'THU K'THUUK~ 28:26

Na mat ah ngaih ba ah na om cu na gu ang ah kyak ci. Na phyawn nak vai ah cuivai ba pi ciah m’theithang cu na lak vai.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

JEREMIAH 16:12

Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

SAM 51:5

Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.

MAKUH 2:17

Cun ah ami ng’shi gui cu Bawipa Jesuh naw ng’ya gui netah, “Gai ciah hmawk ah sei bawi kä hlü ci, gaw ciah hmawk ah hlü ci, Kei cu chang k’ni gui ka khü gui khai ah ka lawk ciah kä kyak ci, changshe gui ka khü gui khai ah ka lawk ci” cine kyak na gui ci.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

ROMAN 7:11

Kat nak naw lam shui ne thukhän am’dang nak awn kei cu na sih sak ci nei.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

2 SAMUEL 11:15

Cun ah ca ung, “Uriah cu aktung ah ng’tuk nak pi k’bäih ung hma ne na tüih vai, cun kawn ah gakap gui na ng’hlah sak gui vai, ani ami ngawn vai ah na bi vai” ciah guk ci.

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

ISAIAH 1:6

Lu nug ka naw khaw ung khüt khai ah pumsa avan kä a ng’gai nak kä om ci nei. Nangmi cu leim ni, hmaleim ui, ak hma kauh ni bäng ah nami kyak ci vei. Nami leim gui cu kä m’si pha, kä hlawp pha, kä m’tui pha nei.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

SAM 64:7

Cun ung phi Khanpughi naw am la awn kap gui sei, ngami cu ang ghit ah leim ci gui.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.