JEREMIAH 17:8 - Cho Bible Common Language 2016

⁸ Ngami cu tui lawng pei ah ghing ciah sing ghing ah mäih ah kya u ne, tui ah gawk ne ami pya hteit ci. Khong ling kho a gawk law ung phi ngami cu kä kyik ci gui, a i ah kyasei ci ung ani ah hnah gui cu akphlüt ah ching ci: Kho kä a aa ung phi ngami cu kä ng’ä ci gui; angtäi sei theih lä ci gui.

JEREMIAH 17:8 Referans Kwoze

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

EZEKIEL 47:12

Tuilawng ah akem päng ung, ei vai ah kyak ciah sing ghing avan cu thou khai gui. Ami hnah gui cu kä ng’yai phung khai, kä ng’düm phung ne m’theih khai gui. Cun gui cu ak cha päng ung ak thieng ah m’theih khai gui, a i ah kyasei ci ung, cun gui cu Taigüim ung ka long lawk ciah tui awn shawi gui ah kyak ci. Cun ah sing gui naw ei vai pek kai gui, ami hnah gui cu chang gui ah gai nak vai ah mang vai ah kyak khai.”

JOB 8:16

Chang shekha gui cu khohni ah so nak ung tawi ciah m’ghawshe ah mäih ah kyak ci gui, acun m’ghawshe gui cu dum avan ung ng’phan ci gui.

JOB 29:19

Kei cu ang yung apya ung angtäi sei tui gah ciah sing ghing ah mäih ah kya ne, ang ban gui phi k’dam tui awn ng’shüi ciah mäih ah ka kyak ci.

NG'THU K'THUUK~ 11:28

Amät ah khawh ngaih u ciah chang cu, sing hnah chawng ah mäih ah kyak khai. Cun ung phi düng ciah chang cu khoicha khaw ah sing lim ah mäih ah bühmang khai.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

JEREMIAH 39:18

Kei naw ka ning phiawn sak gui khai, nangmi cu sih nak kä ning pe gui khai gui. Nangmi cu nami hnun gui phyawng khai, a I ah kyasei ci ung nang mi naw kei nami na ngaih a ci. Kei, Bawipa naw ka pyen nei.”

EZEKIEL 31:3

Nang cu Lebanon ah Cedar sing ah mäih ah na kyak ci. Cun ah sing cu kyom ne ang ban gui awn hnim ci, Ng’ng’shäi aih ne khonmei han pha ci.