JEREMIAH 17:5 - Cho Bible Common Language 2016

⁵ Bawipa naw pyen ci, “Kei na ng’hlah tak ci gui cu kei naw ka m’kyuk gui khai, ngami cu hnicim chang ngaih u u ne, she thei ci k’thagui nak ci gui.

JEREMIAH 17:5 Referans Kwoze

ISAIAH 2:22

Si thei ciah chang kä nami ngaih u ba vai. Ngami naw a i phu na u ne ang?

2 SHONTÄP NAK 32:8

Ani ung chang ah huham om ci, cun ung phi mikmi ung na m’htei gui ne, mikmi täng ah om ne ng’tuk bik ciah Bawipa mi Khanpughi om ci” cik ci. Chang gui cu ghangpughang ah thu pyen awn k’tha gui gah ci gui.

ISAIAH 36:6

Egypt naw ning bawm khai ah an doui, cun cu m’long htung ng’shopawng nak ah mäih ah kyak khai nei-a cun cu hnget ne, na kut ning shun khai nei. Egypt ghangpughang cu chang naw ang khüng lawnak ah a kyak ung a cun ah mäih ah kyak ci nei.”

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

SAM 18:21

Kei naw Bawipa ah thukhän cu ka läk ci, Khanpughi hnu na ne kä ka ng’hlat ci.

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

ISAIAH 59:15

A cun ung düng nakcu aphihta bäng om ci kya sei, akshe bi nak nawng ci gui amät naw amät cheishoh ciah hmuk ci. Bawipa naw shin cu hmu neta, cung cu kä taga ciah kyasei ani cu kä yei ci.

2 SHONTÄP NAK 16:12

Asa ghangpughang ah a kyak nak akum thumkip lei kaw ung, a khaw kheilei naw ei sei ng’dääk ne phi Bawipa naw amhtei ba vai ah ani ah kä ng’hlat ne, sei saya ah hteit ci.

ISAIAH 20:5

Sudan ung ngaih gep ci gui la Egypt ah mawng khähghah ci gui cu, ami ngaih u nak maih sei, ak cang hmu lawk khai gui.

JEREMIAH 11:3

Cun ung kei, Bawipa, Israel Khanpughi naw thukhän ah a mawng kä ngai ciah chang nü ah khan ah plah tam nak cu ka taik khai nei.