JEREMIAH 17:3 - Cho Bible Common Language 2016

³ la khomhtung kho häu ung ng’ling ci gui. Nami ga gui naw nami khawh gui la nami m’küm khawh gui avan ami lak vai ah ka bik khai. A i ah kyasei ci ung cun cu kho avan ung katnak nami bi avan ah phäh ah kyak ci.

JEREMIAH 17:3 Referans Kwoze

JEREMIAH 15:13

Bawipa naw na pyen nak ci, “ka chang gui ah khawh them gui la khawh cham gui hteh püi khai gui ah kei naw ga gui ka tüi lawk khai. Cun cu kho avan ung ngami naw katnak ami ah phäh ah m’kyuk nak gui ah kyak ci.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

EZEKIEL 16:39

Kei naw ngami ah huham kiyong ah ka ning tha khai, ngami naw pletbeng nak vai la agup khawihnah nak vai ah name ng’nüt nak ah hmun cu phyek khai gui. Ngami naw na sui sak gui la pyü lung gui u k’set yawp u ne, nak plui ah ning nawng khai gui.

EZEKIEL 6:3

Israel khomhtung gui naw Bawipa ah ng’thu ami ng’yak vai ah m’thein gui ä — Kei, uktu Bawipa naw, khomhtung gui, kho gui gui, lawng hmawi gui la khongnawi gui am ka m’thein gui cu ami ng’yak vai nei: Chang gui naw agup ami khawihah nak ah hmun gui m’di khai ah kei naw khimsem ka tüi lawk khai nei.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

JEREMIAH 12:12

Chang gui naw bung hmu khogui avan kan law u ne, gut tep khai gui ah lawk ci gui nei. Khaw avan m’di khai ah ng’tuk nak cu kei naw ka tüi lawk ci nei, a u phi dimdeeih sei kä om khai nei.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

SAM 78:58

Ngami naw akshe ah ami khawihnah nak awn m’lung she sak u ne, a gup gui awn am lung thüi sak ci gui.

JEREMIAH 20:5

Shin ah mang gaw ah khawh gui avan, ami büh mang khaw mah avan la Judah ghangpughang ah m’küm khawh gui avan cu kei naw ami ga gui am gutep sak gui ne apäng nü cu Babilonia ah ami hteh püi vai ah ka cik khai.

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

JEREMIAH 21:13

Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

EZEKIEL 23:46

Shin cu uktu Bawipa naw a pyen nei: “Ngami kyih kyawh sak gui ne gut tep gui khai ah Chang gat gui law püi gui vä.