JEREMIAH 17:27 - Cho Bible Common Language 2016

²⁷ Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

JEREMIAH 17:27 Referans Kwoze

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

JEREMIAH 21:14

Cun ung phi nami bi ah phäh ah kei naw ka ning m’kyuk gui khai. Na mang im cu kei naw mei awn ka m’khih khai, cun ah mei naw a pei leng avan ui yawp khai. Kei, Bawipa naw ka pyen nei.”

AMOS 1:14

Cun ah kyasei kei naw Rabbah mang gaw paang ah khan ah mei ka yuk chah khai, amang paang cu ka m’khih khai. Ng’tuk nak ah khaw hnüüp ung m’lau pyaan nak om khai, ami ng’tawh cu pui khokhi ah mäih ah ng’hmum khai.

EZEKIEL 22:8

nak ci. A theingcim nak hmun cu kä nami kyih aa ci, kyiin hnüüp cu kä nami k’pang ci.

NG’ÄI KYAH 4:11

Bawipa naw akbe ah aktut ah m’lungso nak cu ng’hlat ne k’phian ci. Ani naw Zion ung mei cik sei, acun naw m’dek ung gawk khai ah ui ci.

JEREMIAH 52:13

Ani naw Taigüim, mang im la Jerusalem ung küikyang ciah chang gui avan ah im gui cu m’khih yawp ci;

JEREMIAH 49:27

Kei naw Damaskas gaw k’paang gui cu mei awn ka m’khih khai, a cun naw ghangpughang Benhadad ah mang im gui phi ui khai. Kei, m’gäi ciah Bawipa naw ka pyen nei.”

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

AMOS 2:2

Kei naw Moab khaw ah khan ah mei yuk chah ne, Kerioth ah mang paang cu ka m’khih khai. Ami ng’tuk nak ng’güt nak ung Moab chang gui cu sik khai gui. Cun yah ung gakap gui cu m’lau pyaang khai gui, phyungheng gui cu ng’shan khai.

AMOS 1:12

Cun ah kyasei kei naw Teman mang gaw khan ah mei yuk chah ne Bozrah mang paang cu ka m’khih khai.”

AMOS 1:10

Cun ah kyasei kei naw Tire mang gaw paang ah khan ah mei yuk chah ne, amang paang cu ka m’khih khai.”

AMOS 1:7

Cun ah kyasei kei naw Kaza mang gaw paang ah khan ah mei yuk chah ne a mang paang cu ka m’khih khai.

AMOS 1:4

Cun ah kyasei kei naw ghangpughang Hazela ah cawh ah mang im ah khan ah mei ka yuk chah khai. Ghangpughang Benhadad ah mang paang cu ka m’khih khai.

EZEKIEL 16:41

Ngami naw name im gui cu ning m’khih pek khai gui, ami ning m’kyuk nak cu hnumi bum gui am teng sak khai gui, Kei naw na pletbeng nak cu ning düm sak ne, na m’hni gui am letsawng na pek cu ka ng’düm sak khai.

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

JEREMIAH 22:5

Cun ung phi nangmi naw ka thumkhän cu kä nami läk ah a kyak ung, kei ka ng’taam ci nei, shin ah mang im cu ng’kia ne di khai nei. Kei Bawipa naw ka pyen nei.

JEREMIAH 17:24

“Shin ah chang gui am m’thein gui ä, ngami naw kei ah thumkhän avan ami läk vai nei. Ngami naw kyin hnüüp ung, shin ah mang gaw m’kawt gui kan ne a i phi kä ami phuih en vai. Ngami naw kyin hnüüp cu theingthap ciah hnüüp ah ami yum vai, api ah phi a i kä ami bi en vai.

JEREMIAH 17:4

Kei naw ka ning pek gui ah khaw cu nangmi naw nami m’lung si khai. Cun kawn ah kä nami hmat ah khaw ung nami ga gui ah bii nami bik khai ah kei naw ka ning bi gui khai, a i kyasei ci ung kei ah m’lungshe nak cu mei ah mäih ah kyak ci, cun naw khongtän ung ui khai nei.

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

ISAIAH 1:31

Khuchawng cu mei m’ghi naw a uih ah mäih ah, huham mah aih ciah chang cu amät ah amshe nak naw m’di khai, cun ah m’dimshum nak cu a u naw kä ng’düm sak htawt khai.

2 SHONTÄP NAK 36:19

Ani naw Taigüim, mang gaw la mang im gui avan, khawhcham gui avan mei awn m’khih ne mang pang phi phyek ci.

2 GHANGPUGHANG GUI 22:17

Ngami naw kei na hnungtuk püi u ne, a hei khanpughi gui am khawihnah nak douthak ci gui, cun ah ami kyak gui avan naw kei cu na m’lungshe sak ci. Kei ah m’lungshe nak cu tho ne Jerusalem hnungtuk püi ci nei, cun cu kä dim hlawt khai nei.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

SAM 122:7

Na pang ah kyong ah dimdeeih nak om sä, na mang im kyong ah phyawn nak om sä.”

JEREMIAH 18:1

Bawipa naw kei na pyen nak ci,

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

EZEKIEL 21:15

Acun aw ka chang gui cu ami k’tha maih sak gui ne, kyuk ng’tät sak gui ci. Kei naw ami mang gaw lailäp ne pyü ne, ngawn nak ge vai ah kyak ci awn ka m’kyih m’kyawk khai.

EZEKIEL 23:38

Ngami ah bi cu cun bäng ah kä kyak ci. Ngami naw kei ka m’düih ah Taigüim cu lelawi sak ne kyiin hnüüp cu m’shet ci goi.

HOSEA 8:14

“Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”

EZEKIEL 21:3

Kei, Bawipa naw ka pyen nei: Kei cu nami na ga nei. Kei naw ka khimsem phawng ne, changnichang she, nami van ka ning ngawn gui khai.