JEREMIAH 17:26 - Cho Bible Common Language 2016

²⁶ Chang gui cu Judah gawnu gui la Jerusalem ah ng’veing gawhta gui ungka lawk khai gui; ngami cu Benjamin khopäng khomhtung nawi gui. Khomhtung gui la Judah a htumtäng ungka lawk khai gui. Ngami naw m’khih ne douthak nak la khawihnah nak, thang-douthak nak la tui ng’ui gui la yeikyai douthak nak gui cu kei ah Taigüim ah law püi khai gui.

JEREMIAH 17:26 Referans Kwoze

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

JEREMIAH 33:13

Khaw gui yung ah gaw nu gui, m’htung nawi gui, Judah khaw a htum täng, Benjamin khopäng, Jerusalem ah pei yung ah pi gaw gui la Judah gawnu gui ung htoshäm gui naw ami htome gui cu khei ba khai gui nei kei, Bawipa naw ka pyen nei.”

JEREMIAH 32:44

Chang gui naw khleih khai gui, cun gui cu ming guk vai, m’hnüt vai, saksi om khai. Cun gui cu Bangamin khopäng, Jerusalem ah pei yung ah pigaw gui, Judah ung gawnu gui, khomhtung yung ah gawnu gui m’htung nawi gui la Judah khaw a htum täng yung ah kyak khai. Kei naw chang gui cu ami khaw ung ka m’tho ba gui khai. Kei, Bawipa, naw ka pyen nei.”

SAM 107:22

Ngami naw yeikyai ne vawih peh u ne, ani ah bi gui avan cu yei nak ng’äi awn pyen u sä.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

SAM 116:17

Kei naw m’hlüngtai ne khawihnah nak ka ning pek khai nei, ka taigü ka ning pek khai nei.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

SAM 66:13

Kei naw na im ung m’khih ne ka ning khawihnah khai; kei naw ka shaitak ah mäih ah ka ning vawihpeh khai.

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;