JEREMIAH 17:25 - Cho Bible Common Language 2016

²⁵ Cun kawn ah ami ghangpughang gui la ami manghta gui cu Jerusalem m’kawt gui un glut lang khai gui, ngami cu Judah la Jerusalem chang gui awn atäng ah yatha gui la ng’se gui awn be khai. Jerusalem mang gaw cu angtäi sei chang gui awn be khai.

JEREMIAH 17:25 Referans Kwoze

JEREMIAH 22:4

Kei naw ka thumkhän ah mäih ah akcang ah nami bi ah a kyak ung David ah htangshon gui cu k’täi ne ghangpughang ah kyak khai gui. Ngami cu ami bawi gui la ami chang gui awn atäng ah shin ah mang im m’kawt gui cu yatha gui la ng’se gui awn kaan lä khai gui.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

JEREMIAH 33:21

A cun ah mäih ah kei naw ka changshäm David ung thukhän ka bik ci, angtäi sei ani ah htangshon cu ghangpughang ah kyak khai, levi pakhui taigü gui ung phi thukhän ka bik ci, ngami naw angfäi sei dab ii bik khai gui; cun ah thukhän cu kä shekak khai.

JEREMIAH 33:17

kei, Bawipa naw shai ka tak cu, David ah htangshon cu angtäi sei, Israel ghangpughang ah kyak khai,

JEREMIAH 33:15

Cun ah akhin ung kei naw David ah düng ciah htangshon cu ghangpughang ah ka ghü khai nei. Cun ah ghangpughang naw düng ci la taga cicu khaw avan ung bik khai nei.

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

JEREMIAH 22:30

“Shin ah chang cu a hta nau kä om khai ah m’kyuk pyi nei, ani cu näng nak kä gah phung ciah kyak khai nei. David ah ng’shon m’täm ne Judah uk ba khai ah htangshon ani ung kä om khai nei. Kei, Bawipa naw ka pyen nei.”

JEREMIAH 13:13

Cun kawn ah na m’thein gui vai cu, kei Bawipa naw shin ah khaw ung om ciah chang cu ami awktat güt sapyit tui awn ka k’be gui khai: Cun gui cu David Ghangpughang ah htangshon ghangpughang gui, taigü gui, prophet gui la Jerusalem chang gui ami van ah kyak ci.

2 SAMUEL 8:4

David naw ng’se cum gakap phia gha leichih la gakap phia phia goi cu tu ne khäm ci. Ani naw yatha phia ung ng’büh khai ah ng’se gui cu la neta, k’pawih ba ci avan cu ami khaw tuhnget ne m’di gui ci.

1 SAMUEL 8:11

“Shin cu nami ghangpughang naw a ning om püi gui vai ah a mawng ah kyak ci,” cine Samuel naw pyen ci.” Ani naw na hta gui ah gakap gui cu pyang khai; amshah cu ani ah ng’se tat ung bik khai, amshah cu yatha ah ma ah dawng khai gui.

THULÄÄN NAK 17:16

Ghangpughang naw amät ah gakap ah phäh ah ng’sela akda kä a tha vai. Ani naw Egypt khaw ah chang tüi ne sela kä ak hleih sak vai. A i ah kyasei ci ung Bawipa naw a chang gui cu acun ah khaw ah kä ami ng’hlah ba vai ah pyen ci.

PHYAWN NAK 12:14

Shin ah hnüüp cu yumnak ah pawi ah nami bi vai. Cun ah nami bi cu kei Bawipa naw ka bi gui, nami shüm ba nak ah nami bi ah kyak ci. Ngawi yä nami bi lä vai nei” cik ci.

JEREMIAH 25:5

Akshe ah nami ghin nak la akshe gui nami bi nak ungka nami ng’hlah law ba vai ah ngami naw ning m’thein gui ci gui, cun ah kyasei Bawipa naw nangmi la nami pupa gui am ngawi yä nami kaa nak vai ah aning pek gui ah kho ung nami om khai nei.

JEREMIAH 7:7

Nangmi nami ng’thawng ah a kyak ung, kei naw shin ah khi ung ka ning om sak gui khai. Shin cu nami pupa gui am khongläu ung ami kaa nak vai ah ka pek gui ah kyak ci.