JEREMIAH 17:23 - Cho Bible Common Language 2016

²³ Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.

JEREMIAH 17:23 Referans Kwoze

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

EZEKIEL 20:21

Cun ung phi htangshon gui naw phi na chüm ci gui. Läk ciah chang gui am ghin nak pe gui ciah ka thukhän gui cu m’shet u ne, ka thumkhän gui cu kä k’pang ci gui. Ngami naw kyiin hnüüp cu a i ah kä ngai ci gui. Kei naw ng’hüüt ciah ka m’lungshe nak cu bung hmu ah pe gui ge ne, ami van ka ngawn gui ge khai ah ka om ci nei.

JEREMIAH 32:33

Ngami naw kei na hnu nak ci gui; Cunung phi kei naw ka m’theithang gui ci, ngami naw kä ngai ci gui, kä ng’thei ci gui.

ISAIAH 48:4

Nangmi cu lingkeng u ne, m’si ah mäih ah kyei ah mäih ah nami m’liu ci, cicu kei naw ka hmat ci.

EZEKIEL 20:16

Kei naw cun ah shaitak ka bi cu, ngami naw ka thumkhän gui hnu na u ne, ka thukhän gui m’shet u ne, kyin hnüüp cu a i ah kä sui u ne — ami gup gui khawihnah vai ah ami yum pi ah phäh ah kyak ci.

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.

JEREMIAH 6:8

Jerusalem chang gui aw, shih ah genbai nak gui cu nangmi ah phäh ah m’kyihm’hting nak ah kya sä, kä cun ung Kei naw ka ning nawng gui ling khai; Nami mang gaw cu a u naw kä ghin om nak hlawt ah khong’gau ah ka lat khai.

NG'THU K'THUUK~ 8:10

Ngui ah ta kei ah m’shüm thein nak cu nami ghü vai. Ghui akni ah ta kei ah hmuhmat nak cu nami ghü vai.

NG'THU K'THUUK~ 5:12

Cun ung nang naw “A i ah kyasei kei kä ka theithang ang? A i ah kyasei chang ah na m’düng nak kä ka dou ang?

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

NG'THU K'THUUK~ 1:3

Acun gui naw a i hawkcha ah lulang ne om vai, a i hawkcha ah düng vai, taga vai, hmai kyang vai, gui cu ning m’thein gui khai.

SAM 50:17

Ka ning m’cäi phi kä na ng’yak ci, ka thu phi na hnu nak ci.

SUKI GUI 6:10

Kei naw ka ning m’thein gui ci, kei cu Bawipa nami na Khanpughi nei, nangmi naw tuhbäi nami om nak ah khaw kanak ciah Amorit gui ah khanpughi gui cu kä nami khawihnah en tu vai. Cun ung phi nangmi naw kä nami na ngai ci.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.