JEREMIAH 17:2 - Cho Bible Common Language 2016

² Na chang gui naw sonkiang gui ung khawihnah ci gui, khanpughi nu Ashenah ah müigup cu m’kim ciah sing ghing päng ung, khomhtung lai

JEREMIAH 17:2 Referans Kwoze

2 SHONTÄP NAK 24:18

Cun ah kyasei chang gui naw ami pupa gui ah Khanpughi, Bawipa ah Taigüim ung khawihnah nak cu nawng u ne, a gup gui la khanpughinu Asherah ah gup khawihnah nak cu tün ne bik ci gui. Shin ah ami cheishoh nak ah katnak naw Judah la Jerusalem ah khan ah Bawipa ah m’lungshe nak cu law püi sak ci.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

ISAIAH 17:8

Ngami naw ami mät ah knt awn ami pyan ah sonkiang gui cu kä yum ba khai gui, ami mät ah hnthnün ah kyak ciah — khanpughi um Asherah ah müi la ang ui ami m’khih nak ah sunkiang gui cu kä ngaih u ba ci gui.

ISAIAH 1:29

Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

2 SHONTÄP NAK 33:3

Ani naw apa Hezekiah naw am di pyi ah khogam khawihnah nak ah hmun gui cu co ba ci. Ani naw Baala khawihnah nak ah sonkiang gui co ba ci, khanpughinu Asherah ah gup phi pyang ci, aisi gui phi khawihnah ci.

SUKI GUI 3:7

Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

SAM 78:58

Ngami naw akshe ah ami khawihnah nak awn m’lung she sak u ne, a gup gui awn am lung thüi sak ci gui.

2 SHONTÄP NAK 33:19

Ghangpughang ah ak taigü la acun Khanpughi ah m’shan nak, ani kä ng’yu ba pha ung katnak abi gui-ani naw akshe a bi, Khogam Khawihnah nak ah hmun gui, ani naw a pyan ah khanpughinu Asherah ah gup la ani ah khawihnah ah a gup gui-cun gui a van cu prophet gui ah mawng ca-uk ung guk ah kyak ci.

PHYAWN NAK 34:13

Ami sonkiang gui nami gäi vai, ami lungtung a gup gui nami m’di vai, ami khanpughi ah mäih ah kyak ciah Asherah sing gui cu nami chuk vai.

JEREMIAH 3:6

Josiah ghangpughang ah a kyak sangung Bawipa naw kei cu na pyen nak ci, “kä bekhüt ciah hnumi Israel ah bi cu nang naw na hmuk ci ang? Ani naw kei cu na ng’hlah ta ne, khimhtung hlüngpäng la sung ghing ka päng ung ani cu pawm za ciah mäih ah hnüntho ci nei.

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.

THULÄÄN NAK 12:2

Nangmi naw nami lak ah khaw ung chang gui naw ami khanpughi gui ami khawihnah nak ah m’htung hlüng gui, khaw-gui gui, sing k’ghing ah ka gui, hmun gui avan nami m’di vai nei.