JEREMIAH 17:18 - Cho Bible Common Language 2016

¹⁸ Kei na dukdeiu nak ci gui ah khan ah thüisei nak law püi ä. Cun ung phi Bawipa, kei cu nak pawih na ä. Ngami cu kyihkyawk nak awn be sak gui ä, cun ung phi kei cu kä na kyihkyawk sak en ä. Ngami ah khan ah leigai law püi ne, akhui k’pii ah kyak sak gui ä.

JEREMIAH 17:18 Referans Kwoze

SAM 35:4

Kei na ngawn khai ah pawng ci gui cu, dishum ne thui ng’a u sä, Kei na hnu ng’tuk püi ci gui cu, ng’hlat u sei, ng’gawgan u sä!

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

SAM 40:14

Kei na ngawn khai ah pawng ci gui cu akbe ah shung u ne, thüi ng’a u sä. Kei ah geinvai ah phäh ah yeikyai ci gui cu ng’lat ba ne lü ng’a u sä.

SAM 35:8

Cun ung phi kä ami hmat ah didap nak naw pha gui khai nei, ami mät ah cuun ung ami mät awk u ne, ami mät ah m’vam ung ami mät kyak khai gui nei!

THU PHLAAN 18:6

Ngami ah khan ah abi ah mäih ah, Ani ah khan ah bi tu ba vä; Ani ah bi ah mä goi khai ah, Ani ah khan ah phu tu ba vä; Nangmi ah hmawk ah a ning pyan peit gui ah mä, a goi ah kha pi khai ah a khap cu pyan pe vä.

JEREMIAH 17:16

Cun ung phi, Bawipa, nang naw ngami ah khan ah leigai na law püi vai ah kei naw kä ka ning bi sak phung ci nei; ngami ah khan ah khüikha nak agawk vai ah kei naw kä ka ng’ya hlük ci nei. Bawipa, nang naw shin cu na hmat ci.

JEREMIAH 16:18

Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

SAM 71:1

Bawipa, nang ung ka ng’yii khai ah ka lawk ci nei. Kei kä na näng-en u sä!

SAM 70:2

Kei na ngawn hlük ci gui cu di maih ne ng’phyak ca u sä. Kei ah geinvai ah phäh ah yei ci gui cu, ng’hlat ba ne thüi sei u sä.

JOB 16:14

Ani naw kei cu leng ba ba ne nak phleim ci nei; Thüi ne m’lungshe ciah gakap ah mäih ah ani naw kei cu na tuk ci nei.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

JEREMIAH 1:17

Jeremiah, pawng ge ne omä; kei naw na pyen vai ah ka ning thumkhän avan cu hteit ne m’theun gui ä. Tuhbäi ngami kä kyih en gui ä, na kyih gui ah a kyak ung, ngami awn na om sang ang na kyi law pi khai ah kä ning pyang khai.

JEREMIAH 12:3

Cun ung phi Bawipa, kei cu na nah mat ci; kei naw a i ka bi cu nang naw na hmuk ci, a i hlawk ah ka ning m’hni cu na hmuk ci. Ami ngawn vai ah htome gui ami so gui ah mäih ah shin ah changshe gui ahei ah saw gui ä; Ngawn nak gui vai ah akhin kä a gawk law pha ah chuih ngami cu ngäng gui ci gui nei.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

JEREMIAH 17:19

Bawipa naw na pyen nak ci, “Jeremiah, Judah ghangpughang gui ah luh ng’lan nak, chang gui ah m’kawt ung hteit ne kei ah ng’thu cu shän ä, cun kawn ah a hei Jerusalem m’kawt gui avan ung hteit ä.

THULÄÄN NAK 33:11

Bawipa, ami pakhui khüighat khai ah m’hteihtang gui ä. Ngami ah ami bilawh cu yei na gui ä. Ami ga avan deng gui ä, Kä thawh en ba sak gui ä.”