JEREMIAH 17:14 - Cho Bible Common Language 2016

¹⁴ Bawipa, na k’pün ä, kei akcang ah ka gai khai nei; na gung ä, kei akbe ah ka phyawng khai nei. Nang cu kei ah ning m’hlüngtai tumat ah na kyak ci nei!

JEREMIAH 17:14 Referans Kwoze

SAM 6:2

Bawipa ka tha maih ci nei, na m’gein ä! Ka k’tha avan maih ci nei; thagui na pe ä!

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

SAM 106:47

O Bawipa kami Khanpughi, na hun gui ä, chang khuihei gui ah ng’lung ungka na k’plawk ba gui ä, cun ah kyasei keimi cu yeikyai ne, nang ming theing kami m’taam khai.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

THULÄÄN NAK 10:21

Ani cu m’taam vä. Ani cu nami Khanpughi nei. Ani naw nangmi ah hmawk ah abi ah dämduh ne cäicat vai kyak ci gui cu nangmi naw nami mik awn nami hmu pyi ci nei.

SAM 109:1

O Khanpughi, ka ning m’taam ci nei; kä om düüt-en ä!

SAM 6:4

Law ne na hun ä, Bawipa; Na chimgein nak awn sih nak ungka nak phyawn ä.

JEREMIAH 15:20

Nang naw ngami na näng nak gui vai ah m’liu ciah kyei k’paang ah mäih ah ka ning pyang khai. Ngami naw ning tuk khai gui, cun ung phi kä ning hnim hlawt khai gui. Kei naw nang cu ning shungvong ne k’pang ne ka ning phiawn khai.

MATTHE 14:30

Cun ung phi kho akhi law hmu netah, cäicat ne tui ung yu hnim vü netah, “Bawipa aw, na khui ei tu ba ä,” cine m’lau ci.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

MATTHE 8:25

Ang düihpüi gui naw Bawipa Jesuh cu m’tho u netah, “Bawipa na hun gui ä, kami si lawk khai kyak ci nei,” cine pyein ci gui.

SAM 148:14

Ani naw a pakhui cu khüighat sak ci, Cun ah kyasei ak chang avan naw m’tam ci gui. Israel chang gui naw ani cu m’hni aih ci gui. Haleluyah!

SAM 60:5

Na thagai nak awn na hun gui ne, kami taigü na m’shang gui ä, cun ah kyasei na m’hni ah chang gui cu phyawng khai gui nei.

SAM 12:4

“Mi ng’thu awn mi m’hni cu mi gah ci. Mi ng’yak hlü cu mi pyen ci, a u naw kä na ng’düm sak gui hlawt ci” cik ci gui.

KHEI NAK 12:13

Cun ah kyasei Moses naw Bawipa ah m’lau ne “O Khanpughi ani gai sak ä” cik ci.

SAM 54:1

O Khanpughi, na huham awn nak phyawn ä; na m’gäi nak awn na m’hlawt ä!

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.

JEREMIAH 30:17

Kei naw nangmi cu ka ning gai ba sak gui khai; nami hmaleim cu ka m’tui khai, Cun ung phi nami ga gui naw, “Zion cu nawng ci gui nei, ani m’htei khai a u kä om ci nei” cik khai gui. Kei, Bawipa naw ka pyen nei.”

JEREMIAH 33:6

Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.

SAM 6:3

Ka pumsa avan cu yaica ci nei. O Bawipa, kei na na m’htei nak vai, a i güt lüng khai ang?

SAM 119:94

Kei cu na na chang nei — na hun ä! Kei naw na thumkhän cu läk vai ah ka tha nak ci nei.