JEREMIAH 17:10 - Cho Bible Common Language 2016

¹⁰ Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

JEREMIAH 17:10 Referans Kwoze

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

ROMAN 8:27

Chang gui ah m’lung kyong hmu thei ciah Khanpughi naw Mumcha ah m’lung ngaih cun phi hmat yawp ci. A i ah kya sei ci ung Mumcha naw Khanpughi ah ang yak hlü ah, ak chang gui ah phäh ah ang yoih ah hmawk ah kyak ci.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.

JEREMIAH 20:12

Cun ung phi m’gäi ciah Bawipa, nang naw chang gui cu taga khai ah na m’nüm ci; ngami ah ami m’lung ngaih kyong ung a i om ci, cicu nang naw na hmat ci. Ka ga gui ah khan ah phu na tuk cu na hmuh sak ä, kei ah ka mawngma cu nang ah kut khui ung ka tha ci nei.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

THU PHLAAN 22:12

Bawipa Jesuh naw, “Ngai vä, kei ka kyum law ge ci nei. Chang gui-am ami mät ah bi ah ciah peit gui vai ah m’cümhnah nak cu ka law püi khai nei.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

2 SHONTÄP NAK 6:30

ami taigü ngaih pe gui ä. Khankho na im ah ka naw ngai gui ne, m’geinsei gui ä. Nang bäng naw vah hniciim chang ah m’lung ngaih cu na hmat ci. A chang päng cu amät ah bi ah mäih ah om püi ä.

JOHAN 2:25

Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

JEREMIAH 21:14

Cun ung phi nami bi ah phäh ah kei naw ka ning m’kyuk gui khai. Na mang im cu kei naw mei awn ka m’khih khai, cun ah mei naw a pei leng avan ui yawp khai. Kei, Bawipa naw ka pyen nei.”

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

ROMAN 6:21

Cun yah ung nami bi lawh gui naw a i ah phi kä ning khüi ng’vong gui ci, cun naw tuk bäi ning lü ng’aa sak gui ne, ak hnu ah sih nak ung ning gawk sak gui ci.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

MIKHAH 7:13

Cun ung phi khomdek khan cu om ciah chang gui ah shetkat ah hmawk ah khaw ng’gau khaw ah kyak khai.

MATTHE 6:4

Nak pat lam naw abi cu nak eng lam naw phi kä a hmat ten vai nei, kängdang ciah bi cu hmuh thei ciah napa naw m’gein nak m’cümhnah ning pek khai nei.

LAMKTU 1:24

Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

1 GHANGPUGHANG GUI 8:39

ami taigü cu ngaih pe gui ä. Khankho na im ah ka naw ngami cu ngai gui ä, m’geinsei gui ä, m’hteihtang gui ä. Nang bäng naw vah hnicim chang ah m’lung ngaih cu na hmat ci. Chang päng cu amät ah om ah ciah om püi ä,

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

ISAIAH 59:18

Ani naw aga gui cu a shou nak ah khaw ah amiom ung phi ami bi ah ciah m’kyuk gui khai.

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

EZEKIEL 11:5

Bawipa ah mumcha naw kei cu na shum neta, shin ah ng’thu cu Chang gui am ka pek gui vai ah Bawipa naw na m’thein ci: “Israel Chang gui, nangmi naw ai name pyen, ai name pawng püi cu kei naw ka hmat ci nei.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.

JOB 34:11

Ani naw chang gui cu ami bi ah mäih ah m’cümhnah gui ne, ami om ih ah ciah om püi gui ci.

SAM 7:10

Khanpughi cu ka ng’shawi; a ng’thu ngai cicu ani naw hun ci.

SAM 44:22

Cun ung phi nang ah m’hnüt nak ung, keimi cu akphlüt ah na ngawn gui ci gui, aat ne kyih vai ah htome ah mäih ah na bi gui ci gui.

NG'THU K'THUUK~ 12:14

M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.