JEREMIAH 17:1 - Cho Bible Common Language 2016

¹ Bawipa naw pyen ci, “Judah chang gui, nami katnak cu m’si gong awn guk nei: cu na katnak cu nami m’lung kyong ung pyülung m’si awn gu ne, nami sonkiang gui ah akit gui ung vüt ne m’hluh nei.

JEREMIAH 17:1 Referans Kwoze

NG'THU K'THUUK~ 3:3

Hläkkhäm nak la bekhüt nak cu kä na ng’dawn sak vai. Na k’hnü ung na awi vai, na m’lung ung na guk vai.

2 KORIN 3:3

Cun ah ca cu Bawi Khrih amät naw gu netah keimi am ana tei sak gui cu dang ci nei. Cun ah ca cu hmein nawn guk ah kä kyak ci, ghing ciah Khanpughi ah Mumcha awn guk ah kyak ci, cun ah ca cu lung ung guk ah kä kyak ci, chang ah m’lung ung guk ah kyak ci.

NG'THU K'THUUK~ 7:3

Ka m’theithang cu akphlüt ah na shüm vai, na m’lung ung na guk vai.

TAIGÜTHUM 4:25

Taigü naw a kutpyün gui cu a cun ah me ah si ung yuk phum neta, sonkiang ah akit gui ah alawi gui ung yuk mek ne, pawih ba cicu sonkiang ah a kung ung a shawi vai.

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

ISAIAH 49:16

Jerusalem aw, kei naw kä ka ning m’hnih hlawt ci nei! Nang ah ming cu kei naw ka m’ya ung ka gui ci nei,

JEREMIAH 2:22

Nang cu aktung pikbäih ah satpia awn na ng’si ung phi, nang ah katnak cu dang sei ka hmuk ci nei.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

ZEKHARIAH 7:12

Ami m’sin phi lung ah mäih ah m’liu sak ci gui. A i ah kyasei ci ung cau pui om ciah prophet gui ung ka pek law gui ah m’theithang nak cu ngami naw kä ngai ci gui, kei cu ka m’lungshe lawk ci nei.

JEREMIAH 11:13

Judah chang gui ung ami mang gaw gui chü, ami khanpughi gui lawk ci, Jerusalem ung om ci gui naw, mang gaw ung ami lam gui chü ah shemshai ciah Baala Khanpughi ami khawihnah nak sonkiang gui cu pyan ci gui.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

HOSEA 8:11

“Israel chang gui naw kat nak nawt heng nak vai ahsonkyang co law pi pi u sei, kat nak ami bi nak ah hmun da law pi pi ci.