JEREMIAH 16:9 - Cho Bible Common Language 2016

⁹ Kei m’aäi ciah Bawipa, Israel Khanpughi naw ka pyen cu nami ngaih vai. Ami zeikiai, lün lawi nak ah k’aw gui la hta m’um pawi ung ami yeikyai nak ah k’paw gui cu ka dim sak khai. Cun ah a kyak gui cu shin ung om ciah chang gui naw hmuk khai gui.

JEREMIAH 16:9 Referans Kwoze

HOSEA 2:11

Ani ah pawi gui avan ka ng’pyi sak khai — akum tä pawi gui, ak cha tä pawi gui la kyin nak pawi gui — yum nak täng ah ng’hmuh nak gui, avan ka ng’pyi sak khai.

EZEKIEL 26:13

Kei naw nami ng’äi gui avn ng’pyi sak ne, nami tumkhawn ah tingtäng gui ka dip sak khai.

JEREMIAH 7:34

Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.

JEREMIAH 25:10

Yeikyai nak la lünlawi nak ah k’aw gui la ng’kawi cang nak pawi ah k’aw gui cu kei naw ka deeih sak khai nei. Ngami ung mei-im ungka vai situi phi kä om ba khai, pümhta phi kä om ba khai.

SAM 78:63

Pami nong gui cu ng’tuk nak ung ngawn gui u sei, hnumi nong gui ah ami cei vai kä om ba ci.

EZEKIEL 12:25

Kei, Bawipa naw ka ng’thu püi gui khai, kei ah pyen ah mäih ah bi vai. Shokshü nak kä om ba khai. Nami mät ah ghin yah ung nangmi cu name hnung tuk ci. Kei naw ka bik khai ah pyen ne ka ning k’bäi gui ah mäih ah kei naw ka bik khai. Kei naw ka pyen nei, cine uktu Bawipa naw pyen ci.