JEREMIAH 16:18 - Cho Bible Common Language 2016

¹⁸ Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

JEREMIAH 16:18 Referans Kwoze

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

THU PHLAAN 18:6

Ngami ah khan ah abi ah mäih ah, Ani ah khan ah bi tu ba vä; Ani ah bi ah mä goi khai ah, Ani ah khan ah phu tu ba vä; Nangmi ah hmawk ah a ning pyan peit gui ah mä, a goi ah kha pi khai ah a khap cu pyan pe vä.

EZEKIEL 11:21

Cun ung phi aksheshap, am shemshai ah kyak ciah agup gui mhni ne khawihnah ciah chang gui cu kei naw ka m’kyuk gui khai. Ngami naw ami bi gui ah phäh ah kei naw ka m’kyuk gui khai nei.” Uktu Bawipa naw a pyen nei.

JEREMIAH 17:18

Kei na dukdeiu nak ci gui ah khan ah thüisei nak law püi ä. Cun ung phi Bawipa, kei cu nak pawih na ä. Ngami cu kyihkyawk nak awn be sak gui ä, cun ung phi kei cu kä na kyihkyawk sak en ä. Ngami ah khan ah leigai law püi ne, akhui k’pii ah kyak sak gui ä.

JEREMIAH 2:7

Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.

EZEKIEL 11:18

Ngami ami law ba ung, ami hmuh phung ah lelawi ne shemshai ciah agup gui cu nawt heng khai gui.

JEREMIAH 3:9

ani cu kä ng’aa oang ci. Ani naw khongleo lelawi sak ne, lung gui sing gui khawihnah ne, shemshai shetkat nak bik ci.

ISAIAH 61:7

Nami ng’a ca nak la nami thuihmai nak cu ng’pyi pyi ci nei. Nangmi cu nami mät ah kho ung nami om khai, Nami khawh cu a goi ah däm khai; Nami yei nak cu kä ng’pyi hlawt khai.

MIKHAH 2:10

Tho ne hteit vä, shin ung phyawn nak vai kä om ba ci nei. Shin ah hmun cu nak katnak naw ng’yiin sak ne di sak ci nei.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

SAM 106:38

Ngami naw cun ah akat nak kä om ciah ak hmaw gui cu ngawn u khäta, kho avan cu chang ngawn ah si awn be ci.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

ISAIAH 65:6

“Ngami m’kyuk gui vai cu kei naw ka m’hnüt k’bäi pyi ci nei, Ngami m’kyuk nak gui phi guk pyi nei-ngami naw ami bi pyi gui cu kei naw kä ka nawng düt khai nei, cun ung phi ngami naw

JEREMIAH 7:30

“Judah chang gui naw akshe bik ci gui nei. Ngami naw kei naw ka thüi nak ah a gup gui cu ka Taigüim ung tha u ne, Cun cu lelawi sak ci gui nei.

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

EZEKIEL 5:11

“Cun ah kyasei kei ghing ciah khanpughi-uktu Bawipa ah ng’thu nei-ai ah kyasei ci ung nangmi naw akshe kha avan awn ka Taigüim cu lelawi sak u ne, shemshai ci gui cu name bik ci, kei naw nangmi cu kä Chimgein ne ka ning tupit gui khai.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

ISAIAH 65:7

ami katnak la ami pupa gui ah katnak ah phu cu thung khai gui nei. Ngami naw khongyo khawihnah nak m’htung khan phung ung tui ng’ui m’khi u ne, kei cu akshe ah na pyen ci gui-cun ah kya sei, yanä ami om ih ah ciah kei naw ka m’kyuk gui khai.”

EZEKIEL 36:18

Kei naw nui ciah ka m’lungshe nak cu ka gah sak gui ci, a i ah kyasei ci ung ngami naw khokyong ung chang ami ngawn ah phäh la agup gui awn cun ah khaw ami lelawi sak ah phäh ah kyak ci.