JEREMIAH 16:17 - Cho Bible Common Language 2016

¹⁷ Kei naw ami bi phung ka hmuk ci. Kei ah kä hmuh vai ah thuh a i kä om ci; ngami ah katnak cu kei ah hmuh nak ung kä phyawng ci.

JEREMIAH 16:17 Referans Kwoze

NG'THU K'THUUK~ 15:3

Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

NG'THU K'THUUK~ 5:21

Bawipa naw na bi phung cu hmuk ci nei, na hteh nak päng ah ning ngäng ci nei.

SAM 90:8

Nang naw kami katnak cu na ma ah bum ne, m’zih ne kami katnak cu na hmuh nak vai ung na tha ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.

2 SHONTÄP NAK 16:9

Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.

EZEKIEL 9:9

Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.

ISAIAH 29:15

Bi vai ami k’bäi Bawipa ah ma ah m’zih vai ah k’tha nak ci gui cu ng’ziin nak gah ci gui! Ngami naw ami k’bäi cu adüm ah bi neta, a u naw kä hmu gui khai abi cu a u naw bi u neta, a u naw kä hmu gui khai abi cu a u naw hmat gui khai ah ngai ci gui.

SAM 139:3

Kei bi ka bi sang la ka ng’düm sang cu nang naw na na hmuk ci; Nang naw ka hnün thawh avan cu na hmat ci.

EZEKIEL 8:12

Khanpughi naw na ng’shik cu, “Hnicim Chang, Israel gui ah ami ng’vai gui naw düm ah ami bi cu nah mu ne ang? Ngami ami van naw akhan kyong ah be ciah agup gui cu khawihnah ci gui. Ngami naw ng’huuk ne ami pyen cu, “Bawipa naw kä nah mu gui ci! Ani naw mi khopäng cu nawng ci nei.”

SAM 51:9

Ka cheishoh nak gui cu kä na teng pe ne, ka shet nak gui cu na lim pe ä.

SAM 109:15

Bawipa naw ami katnak cu angtäi ah shüm pe gui sä, cun ung phi ami mät läi cu m’hni gui yüm yüm sä!

JEREMIAH 2:22

Nang cu aktung pikbäih ah satpia awn na ng’si ung phi, nang ah katnak cu dang sei ka hmuk ci nei.

JEREMIAH 29:23

Ngami ah ma nak vai cu awn ah kyak khai, ai ah kyasei ci ung ngami naw kyih vai ah kaatnak cu bik ci gui-ngami naw chang ah chuhta kat püi u ne Bawipa ah min gung ami hleei pyen ci gui. A cun ah Bawipa ah angyak hlü cu hnungtuk püi ci; ani naw ngami naw a i ami bi cu hmat ci ani cu ngami hnungtuk nak ung saksi ah kyak ci. Bawipa naw pyen ci.”

ZEPHANIAH 1:12

“Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

JOB 10:14

Ka hma hngaw law ung na hmuh vai ah na na teng ci, cun ung vah ka hma ngaih nak pek cu na maa na hlawt khai.

JOB 31:4

Khanpughi naw kei naw ka bi phung cu hmat ci, Kei ah ka kho m’khan phung cu na hmuk ci.

SAM 33:15

Ani naw ami m’lung ngaih avan pyan pe gui ne, ami bi phung cu hmat gui ci.

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,

JEREMIAH 7:11

Nangmi naw ka Taigüim cu m’guk-ei gui ah ng’thuh nak ah nami ngai ne ang? Nangmi naw a i nami bi cu kei naw ka hmuk ci.