JEREMIAH 16:16 - Cho Bible Common Language 2016

¹⁶ Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

JEREMIAH 16:16 Referans Kwoze

AMOS 4:2

Uktu Bawipa cu theingciim ci kya ne, ani ah shaitak cu, “Nga m’kaih awn kaih ne ami ning ghawh nak gui vai ah hnüüp gawk lawk khai, nami chang sing cu nga ah mäih ah nga m’kaih ung nami ng’bat khai.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

1 SAMUEL 26:20

A khaw lei hei, Bawipa awn ng’shawng nak ung, kä na ngawn en u sä. A i ah kyasei Israel ghangpughang naw ng’hli ah mäih ah kei cu law ne ana ngawn hlü ang? A i ah kyasei bung ah kha ah mäih ah kei cu ana yäi ang?

ATÜNNAK 10:9

Bawipa ah bä nak awn ani cu akbä pi sakaap ah kyak ci. Cun ah kyasei chang gui naw, “Nimrod ah mäih ah akbä pi sakaap ah Bawipa naw ning pyang sä” cine pyen ci gui.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

ISAIAH 2:21

Bawipa law ne khomdek ak thün law ah akyak ung, chang gui cu ani ah m’lungshe nak ami phiann nak vai la a huham la abämang nak ung ami ng’thuh nak vai ah, khui gui la lung m’htung khui gui ung k’tha na ne ng’thup khai gui.

ISAIAH 7:19

Ngami cu lung chawng kho ng’nawi gui, lung khui gui ung ng’phäi u ne, ng’hlingk’cam gui la khulim khaw gui nü küm khai gui.

JEREMIAH 4:29

Ng’se ng’cum chang gui la likap chang gui ah k’aw ami ng’yak ung, chang nü cu dawng khai gui. Am shah cu bung hmu ah dawng khai gui, amshah cu lungsong gui ah ng’lung ah kya khai gui. Gawnu päng ung a i kä om ba khai, acun ah hmun ung a u phi kä om ba khai.

JEREMIAH 6:9

M’gäi ciah Bawipa naw na pyen nak ci, “Sapyit ghin ung ah ak theih k’bih züm züm ah mäih ah Israel gui cu heng züm züm vai nei. Cun ah kyasei akhin a om yah ung chang nü nami gun vai nei.”

JEREMIAH 49:5

Kei naw nangmi ah khan ah akit päng ung kyih vai ka law püi khai nei. Nangmi nami van nami dawng khai nei. Nangmi tumat ci cu nami hnun phiawn püi ne nami dawng khai, nami gakap gui bum ba gui khai tumat phi kä om khai nei.

NG’ÄI KYAH 4:18

Ga naw na ngäng gui ci, mikmi lam ung phi kä mi hteit hton hning ci. Mikmi ah hnüüp gui cu ng’phlan pyi ci, khaw ang pyi nak cu gawk lawk ci.

HOSEA 10:10

Shin ah kat nak bik ciah chang gui cu kei naw tu gui ne, ka m’kyuk gui khai. Chang pakhui gui cu ng’dawn law u ne, ngami cu hnungtuk püi tu gui khai gui. Ngami ami kat nak ada ah phäh ah m’kyuk nak gah khai gui.

ZEPHANIAH 1:12

“Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

NG’ÄI KYAH 4:19

Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.