JEREMIAH 16:13 - Cho Bible Common Language 2016

¹³ Cun ah kyasei kei naw shin ah kho ungka ning k’täm gui ne, nangmi la nami pupa gui naw kä nami hmat man ah kho ung ka ning gawk sak gui khai. Acu ah nangmi naw amü a hnüüp ahei khanpughi gui ah bii nami bik khai, kei naw chimgein nak kä ka ning m’dang gui khai.

JEREMIAH 16:13 Referans Kwoze

THULÄÄN NAK 28:36

“Bawipa naw nang la na ghangpughang cu a khaw hei ah ning hteh püi gui khai. Cun cu nangmi nami pupa gui ah kä ami om nak man ah kyak khai. A cu ah nangmi naw sing la lung awn pyan ah khanpughi gui ah bii nami bik khai.

JEREMIAH 15:14

A i kä ami hmat nak ah kho ung ngami naw ami ga gui ah bii ami bi vai ah kei naw ka bi gui khai, a i ah kyasei ci ung kei ah m’lungshe nak cu mei ah mäih ah kyak ci, cun naw khonglän ung ui gui khai.”

JEREMIAH 17:4

Kei naw ka ning pek gui ah khaw cu nangmi naw nami m’lung si khai. Cun kawn ah kä nami hmat ah khaw ung nami ga gui ah bii nami bik khai ah kei naw ka ning bi gui khai, a i kyasei ci ung kei ah m’lungshe nak cu mei ah mäih ah kyak ci, cun naw khongtän ung ui khai nei.

2 SHONTÄP NAK 7:20

ka ning pek gui ah khaw ungka ka ning k’plon gui khai, kei nami na khawihnah nak vai ah ka ap ah shin ah Taigüim cu ka nawng khai. Khaw nü ung chang gui naw ng’yo m’shaw u ne päipih khai gui.

JEREMIAH 22:28

Kei naw ka pyen ci, “Ghangpughang Jehoiachin cu hlüng payak sei ami ghawh a u naw phi kä a ng’yak hlü ah mäih ah kya ne ang? Cun ah kyasei ani la a hta nau gui cu ami mawng ama a i phi kä ami hmat ah om k’tu khaw ah ami hteh püi gui ah kä kya ne ang?

JEREMIAH 15:4

Khomdek khan ung chang avan naw ami kyihkyawk gui vai ah ka bik khai, cun cu Hezekiah ah hta Manasseh Jerusalem ung Judah ghangpughang ah a kyak sang ung abi lawh ah phäh ah kyak ci.

JEREMIAH 14:8

Nang bäng cu Israel gui ah ngaih u ah na kyak ci; nang bäng cu lei gai ung na hun gui ciah na kyak ci. Nang cu a i ah kyasei mi kho ung khin ah mäih ah mü ät bäng ip tuk ciah lam hteit khin ah mäih ah na kiak?

JEREMIAH 6:15

Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

JEREMIAH 5:19

Shin gui avan a i ah kyasei kei naw ka bi ah ami ning shi ah a kyak ung na m’thein gui vai. Jeremiah aw, ngami naw kei na ng’hlah ta u ne, ami mät ah khi ung akho hei khanpughi gui ah bii bik ci gui. Cun ah kyasei ngami cu ami mät ah kaa ah kä kyak ciah kho ung chang khui hei gui ah bii cu bik khai gui.

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

THULÄÄN NAK 29:28

Bawipa cu mlungso ne nget law neta, ani naw adäm duh ciah amlungshe nak awn ami khaw ungka ang yung ah mawi gui ne, a khaw hei ah ghawt gui ci. Ngami cu tuhngawi a cu ah om ci gui.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

JEREMIAH 22:26

Kei naw nang la na nu cu omktu khaw ah ka nung k’täm lawk khai. Nangmi cu kä nami ng’tüi nak ah nami hteit lawk khai, nami van acu ah nami sik khai.

2 GHANGPUGHANG GUI 25:21

Hamath khopäng ah hei tüi gui ci. Acu ah ghangpughang naw that gui ne ngawn gui ci. Cun ah kyasei Judah chang gui cu ami khaw ungka a khaw hei ah omk’tu ah om tuk ci gui.

JEREMIAH 10:18

Bawipa naw shin ah kaw ungka ning k’täm law gui khai nei. Nangmi ungka tumat phi kä k’pawih khai ah ani naw ning deng gui khai nei. Bawipa ah thu pyen ah kyak ci nei.

JEREMIAH 16:5

“Nangmi cu thüi kyah nak ah im ung kä nami luh vai. A u ah phäh ah phi kä nami thüi sei vai. Kei naw ka chang gui cu deimdeeih nak awn hriham kä ka pe ba gui khai, m’hni nak la chimgein nak kä ka m’dang gui khai.