JEREMIAH 16:12 - Cho Bible Common Language 2016

¹² Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

JEREMIAH 16:12 Referans Kwoze

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

JEREMIAH 9:14

Cunnak vaisü ung ami m’lung ling sei, ami pupa gui naw ami bi vai ah ami m’thei gui ah mäih ah ngami naw Baala ah gup gui cu khawihnah ci gui.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

MAKUH 7:21

Chan ah pukhui m’lung kyong ungka shetkat ciah ngaih tüh nak gui cu lut lawk ci; cun gui cu ng’yo ng’pawm hlü nak, m’guk nak, chang ngawn nak;

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

SUKI GUI 2:19

Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

THUSHÄUTU 8:12

Hmakat ciah chang naw cawipang nak phya bi ne, ghing ne om lä ci. Ä, kei naw chang gui naw a i ami pyen cu ka hmat ci nei: “Nang naw Khanpughi na ngaih ung a päng avan cu bä khai nei.

THULÄÄN NAK 29:19

Nami cim vai vai tuhngawi shin ung, Shin ah thuuk ciah k’thäh nak gui ng’yak ciah chang a u kä om ci. A mät ah ngaih ah linglai ne kya lang ne phi, avan ani ung bä khai ah ngaih-tüh ci a u kä om ci. Acun naw chang ni, chang she, a täng ah nangmi nami van ning m’di gui khai.

THULÄÄN NAK 9:27

Na changshäm Abraham, Issak la Jakob ni cu shüm ba gui ä. Shin ah chang gui ah linglai nak cheishoh nak la shetkat nak cu kä ngai dam en ä.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

JEREMIAH 18:12

Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

NG’ÄI KYAH 5:7

Mi pupa gui cu sheka ci gui, cun ung phi tubäi ngami hteit pyi ci gui. Ngami ah katnak ah hmawk ah mikmi mi yaica ci.

EZEKIEL 20:30

Tuhbäi kei, uktu Bawipa naw ka pyen cu Israel gui am m’thein gui ä. A i ah kyasei nangmi naw nami pupa gui ah katnak cu bi u ne, ami a gup gui ah hnu ah nami gawt gui ang?

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

JEREMIAH 22:28

Kei naw ka pyen ci, “Ghangpughang Jehoiachin cu hlüng payak sei ami ghawh a u naw phi kä a ng’yak hlü ah mäih ah kya ne ang? Cun ah kyasei ani la a hta nau gui cu ami mawng ama a i phi kä ami hmat ah om k’tu khaw ah ami hteh püi gui ah kä kya ne ang?