JEREMIAH 16:11 - Cho Bible Common Language 2016

¹¹ Bawipa ah thu pyen cu na m’thein gui vai, nami pupa gui naw kei na ng’hlah ta ne, a hei Khanpughi gui khawihnah ne a bii bik ci gui. Ngami naw na nawng u ne ka m’thein thang cu kä ngai ci gui.

JEREMIAH 16:11 Referans Kwoze

1 PETER 4:3

Ng’pyi pyi ciah akhin ung nangmi cu, khritha ah kä kyak ci gui ah om ih ah mäih ah ak shou nami om pyi ci. Kä yum hmat nak, hlawhlaang nak, awktat nak, hlimtui nak, yu ng’kawi nak, la ang htei ah m’shemshai ciah a gup khawihhnah nak ung, nami ghin nak cu ng’pyi te ci.

EZEKIEL 11:21

Cun ung phi aksheshap, am shemshai ah kyak ciah agup gui mhni ne khawihnah ciah chang gui cu kei naw ka m’kyuk gui khai. Ngami naw ami bi gui ah phäh ah kei naw ka m’kyuk gui khai nei.” Uktu Bawipa naw a pyen nei.

JEREMIAH 22:9

Cun cu ngami naw shang u ne, kei, nami khanpughi awn thukhän cu nawng cine, ahei khanpughi gui khawihnah ne abii nami bi ah phäh ah kyak ci nei” cik ci.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

1 GHANGPUGHANG GUI 9:9

Chang gui naw m’shang ba u ne, “A i ah kyasei shin ah kyak ci, ci ung ami pupa gui Egypt khaw ah ka law püi ba gui ciah Bawipa ami Khanpughi cu ami nawng ah phäh ah kyak ci. Ngami naw ami yumnak cu a hei khanpughi gui am pe u ne, acun gui khawihnah ci gui. Cun ah kyasei Bawipa naw leigai cu ami khan ah a law püi ah kyak ci.

JEREMIAH 9:14

Cunnak vaisü ung ami m’lung ling sei, ami pupa gui naw ami bi vai ah ami m’thei gui ah mäih ah ngami naw Baala ah gup gui cu khawihnah ci gui.

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

2 SHONTÄP NAK 7:22

Chang gui naw m’hlan ba u ne, “A i ah kyasei shin ah a kyak ci ung ngami naw ami pupa gui Egypt khaw ah ka law püi ba gui ci Bawipa ami Khanpughi ami nawng ah phäh ah kyak ci. Ngami cu a hei khanpughi ung ng’coi ng’pa u ne, khawihnah ci gui. Cun ah kyasei Bawipa naw ngami ah khan ah leigai a law püi ah kyak ci” cik khai gui.

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

SUKI GUI 2:11

Israel chang gui cu Bawipa hnu ng’tuk püi ne katnak bi u ne, Baala gui cu tün ne khawihnah ci gui.

JEREMIAH 13:22

Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

JEREMIAH 44:3

a i ah kyasei ci ung ami chang gui naw akshe bi u ne, kei cu na m’lungshe sak ci gui. Ngami naw a khanpughi hei ghi am khawihnak nak cu douthak u ne, ngami, nangmi la nami pupa gui naw kä ami khawihnah man ah khanpughi gui ah bii cu bik ci gui.

NG’ÄI KYAH 5:7

Mi pupa gui cu sheka ci gui, cun ung phi tubäi ngami hteit pyi ci gui. Ngami ah katnak ah hmawk ah mikmi mi yaica ci.