JEREMIAH 15:9 - Cho Bible Common Language 2016

⁹ A hta chih maih ciah nu nu cu ng’gäih pyi ci nei, ang ghi kä ng’täi ba ci nei. Ani ah khok dei cu mühmüp ah ng’hlat ci nei; ani cu thüisei ne amlung kyong na pyi ci nei. Ghing ba shut ciah cun ah nangmi cu nami ga gui am ka ning ngawn sak gui khai nei. Kei, Bawipa naw ka pyen nei.”

JEREMIAH 15:9 Referans Kwoze

1 SAMUEL 2:5

Ami phü ah ei man ciah chang gui cu, ei ami gah vai ah ami mät ng’hlawh ci gui. Ei cawi man ci gui cu kä cawi ba ci gui. Kä hta ciah chu cu chih ah hta ci, Cun ung phi chang akda ah nu ung a i kä om ba ci.

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

NG’ÄI KYAH 4:10

Kei ah ka chang gui ung gawk lawk ciah kleigai naw kyih aih vai law püi ci. M’hni ciah nu nu gui naw ami mät ah hta gui cu ei vai ah shong ci gui.

JEREMIAH 44:27

Nangmi cu kä nami bühmang khai, nami di khai, cun cu kei naw ka hmuk khai. Nangmi nami van tumat phi kä ak pawih ba güt, ng’tuk nak awn baw, gaw pyan nak awn baw nami sik khai.

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

JEREMIAH 6:4

Ngami naw pyen khai gui, “Jerusalem tuk vai ah pawng m’hteim vä! Pawng ge vä! Mikmi naw hnüüp ng’lung ung mi tuk khai nei!” Cun ung phi cun kawn ah ngami naw pyen khai gui, “Shin cu cü aih khai nei, kho hnüüp ng’pyi law vai ci nei, kho hmüp law pi pi ci nei.

JEREMIAH 7:19

Cun ung phi akcang ah ami natsak cu kei ah kä kya ne ang? Ka nei! Ngami naw ami mät naw ami mät natsak u ne, ami mät ah khan ah lü ng’aa nak law püi ci gui nei.

JEREMIAH 19:7

Acun ah hmun ung Judah chang gui la Jerusalem chang gui ah pawng püi avan cu kei naw ka plawh khai, kei naw ngami cu ami ga gui am ngawn sak gui ne ng’tuk nak ung ka ngawn sak gui khai. Ami pumsa gui cu kha gui la khisa gui naw ami ei vai ah ka pe gui khai.

JEREMIAH 50:12

cun ung phi damduh ciah nami mang gaw cu a thang she sei thui ng’a khai nei. Babilonia cu avim ung ak zaw pikbäih pakhui ah kyak khai nei; cun cu chawng ne tui kä om ciah khong gau ah kyak khai nei.

EZEKIEL 5:13

Kei ah ka m’lung kä a gei ba pha ah chuih nang mi naw kei ah m’lungshe nak avan cu ak nmi ah name khan khai. Shin gui a kyak law ung, kä name bekhüt ah phäh ah, kei uktu Bawipa naw ka ning m’lungshe nak gui cu name hmu lawk khai nei.