JEREMIAH 15:7 - Cho Bible Common Language 2016

⁷ A gawnu päng kho avan ung kei naw nangmi cu ko ah mäih ah khokhi ung ka ning ghawt gui khai. Ka chang gui, kei naw ka ning m’di gui khai, Nami htanau gui cu kei naw ka ngawn gui khai, a i ah kyasei ci ung nangmi naw akshe ah nami om cu kä nami ng’düm sak ci.

JEREMIAH 15:7 Referans Kwoze

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

JEREMIAH 51:2

Khokhi naw ko khi ne a zon ah mäih ah Babilonia m’di khai ah a khohei chang gui cu kei naw ka tüi lawk khai. Cun ah m’di nak ah khaw hnüüp a gawk law ung ngami naw cun ah khaw cu akit päng ung om ne tu u ne, nawng khai gui.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

ISAIAH 41:16

Nangmi naw khokhi ung nami m’shon gui khai; khokhi naw zon gui khai, khokhinu naw k’püipawng gui khai. Cun kawn ah nangmi cu nami yeikyai khai, a i ah kyasei ci ung kei cu nami na khanpughi ah kyak ci; Israel gui ah theingcim ciah khanpughi, kei cu nami na m’tam khah khai.

ISAIAH 9:13

Israel chang gui cu kä ng’yu ba ci gui; m’gäi ciah Bawipa naw m’kyuk gui sei phi ngami cu ani ah kä law ba ci gui.

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

SAM 1:4

Cun ung phi chang shekha gui cu cun ah mäih ah kä kyak ci; Ngami cu khokhi naw a yon ah ko ah mäih ah kyak ci gui.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

EZEKIEL 24:25

Bawipa naw pyen ci, “Tuhbäi hnicim chang, khäng htek ciah Taigüim, ngami ah ami khäh ghah nak la ami yeikyai nak, ami teng hlü, ami hteh nak hlü cu, ngami ung ka kei naw ka lak khai. Ami hta pami gui la ami hta hnumi gui phi kei naw ka lak khai.

THULÄÄN NAK 28:41

Nangmi ung hta pami, hta hnumi om khai. Cun ung phi nangmi ung kä om khai gui, a i ah kyasei ci ung ngami cu ng’tuk nak ung hteh püi ne thawng ung chum gui khai gui,

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

JEREMIAH 9:21

Sih nak cu m’kawt gui ung law ne, mi mang im gui ung lut lawk ci nei; A cun naw a hmaw hta gui cu lam ung ngawn gui ne, chang nong gui cu sumlei hmun ung ngawn gui ci nei.

THULÄÄN NAK 28:32

Na hta pami gui, na hta hnumi gui cu nang naw na teng gui ge ah changshäm ah kyak khai gui ah a khaw hei chang gui am pe gui khai gui. A hnüüp tä sei nang naw namik phüi ne na hta gui ah law nak ba vai täng ah a kholä na teng khai.

THULÄÄN NAK 28:18

Bawipa naw hta nau api, geit kaw ak ghawi, sei la htome api ci ning pe gui ne ning plah taam gui khai.

EZEKIEL 36:12

Ka chang gui, Israel gui, khaw ung nami om ba khai ah ka ning law püi ba gui khai. Cun cu nami mät khaw ah kyak khai, nami hta nau gui ah khin ung phi kä shum ba phung khai.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.