JEREMIAH 15:6 - Cho Bible Common Language 2016

⁶ Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

JEREMIAH 15:6 Referans Kwoze

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

ZEPHANIAH 1:4

“Jerusalem ung chang gui la Judah avan ung chang gui phi ka m’kyuk gui khai. Ak hnu ah Baala khawihnah ci gui ka m’di gui khai, acun ung bii bik ciah khaw taigü gui cu a u naw kä shüm ba gui khai.

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

EZEKIEL 25:7

Nangmi naw cun ah nami bi ah phäh ah kei naw ahei changpakhui gui am ka ning ap gui khai, ngami naw ning m’guk pe ne, ning guttep gui khai gui. Kei naw nangmi cu akbe ah ka ning m’di gui khai, nangmi cu changpakhui ah kä nami kya ba khai, nami mät ah khopäng khaw kä om ba khai. Cun kawn ah kei cu Bawipa ah ka kyak ciah nami na hmat khai.”

JEREMIAH 6:19

Khomdek aw ngai ä! Ngami ah bilawh avan m’kyuk nak vai ah shin ah chang gui ah khan ah kei naw dishum nak ka law püi ci nei, a i ah kyasei ci ung ngami naw kei ah m’thei thang cu hnungtuk u ne, kei ah ng’thu kä ami ngaih ah phäh ah kyak ci.

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

JEREMIAH 2:17

Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.

JEREMIAH 1:16

Kei naw ka chang gui cu ka m’kyuk gui khai, a i ah kyasei ci ung ngami cu hma kak ci gui: ngami naw kei na nawng ci gui, ahei Khanpughi am khawihnah douthak ci gui, agup gui pyang ne khawihnah ci gui.

HOSEA 4:16

Israel chang gui cu pat m’la ah mäih ah lingkeng ci gui nei. Kei naw a i hawk cha ah htome hta gui ah mäih ah kho k’pu ung ka m’bei gui hlawt khai aw?

EZEKIEL 14:9

“Prophet tumat cu hleei hlak ne kä hman ciah m’hlan nak a pek ah a kyak ung, cun cu kei Bawipa naw k a m’hleei hlak ah kyak ci nei. Kei naw ani cu Israel Chang ungka, ka heeng khai.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

JEREMIAH 8:5

Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

ISAIAH 31:3

Egypt gui cu khanpughi ah kä kyak ci gui-hnicim chang ah kyak ci gui. Ami ng’se gui cu khaw ah kä kyak ci gui. Bawipa a hnün thawh law ah a kyak ung thamah ciah pakhui cu khui ne ng’deng khai, thaken ci, ami m’htei htang cu kyu ne ng’täng khai. Ani nik hnih cu di khai goi.

JEREMIAH 6:12

Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

JEREMIAH 7:16

Bawipa naw pyen ci, “Jeremiah, shin ah chang gui ah phäh ah kä na taigü en vai. Ngami ah hnün ung kä na kyah en vai. Kä na taigü en vai; Kei ah kä na taigü en vai, kei naw kä ka ning ngai khai.

JEREMIAH 8:9

Nami cüi vai chang gui cu lü ng’aa ci gui nei. Ngami cu ng’gogan u ne, cuun ung awk ci gui nei, Ngami naw kei ah ng’thu cu hnungtuk ci gui, tuhbäi a i cüivai nak ang ngami naw ami gah?

EZEKIEL 35:3

Kei, uktu Bawipa naw ka pyen cu chang gui am m’thein gui ä: Edom khomhtung, kei cu nami na ga nei! Kei naw nang cu ka ning shiu sak khai.

JEREMIAH 13:14

Kei naw ngami a hmaw ang vai, hlüng gui ng’khawng ne ami pazat ah mäih ah ka ci gui khai. A i chi hna nak m’gein sei chimgein nak naw phi ngami ka ngawn nak gui cu kä m’düm sak hlawt khai.”

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.