JEREMIAH 15:21 - Cho Bible Common Language 2016

²¹ M’ghäm ce ciah chang gui la shekhak ciah huham ungka kei naw ka ning gung khai. Kie, Bawipa naw ka pyen ci.

JEREMIAH 15:21 Referans Kwoze

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

JEREMIAH 50:34

Cun ung phi ngami gung gui ciah tumat cu k’thamah ci-ani ah m’ung cu m’gäi ciah Bawipa ah kyak ci. Ngami ah hmawk cu ani naw bi ne. Khomdek khan ung dimdeeih nak law püi khai, cun ung phi Babilonia chang gui ah khan ah khüikha nak law püi khai.”

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

ISAIAH 29:20

Cun cu a chang paw yawshe nak ci gui la khawpughi kä chang m’sui ci gui ah ng’pyi nak ah kyak khai katnak bik ci phung cu m’di khai.

SAM 37:40

Bawipa naw ngami cu m’htei gui ne, gung gui ne; changshe ah kut ung phyawn gui ci, ngami cu ani ung ng’yii ci gui.

SAM 27:2

Kei na tuh ne, na ngawn hlük ciah changshe gui cu, ng’lat ne kiuk khai gui.

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

ISAIAH 29:5

Jerusalem, nang ning tuk ci gui ah a khohei chang gui avan cu m’vut ah mäihah zong khai gui nei, kyih vai ah kyak ciah ami gakap gui cu htang gong chawng ah mäih ah zon gui khai nei. Ang ghitah, kä ngaih-tüh ah,

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 60:16

Anu naw a hta am htei ah mäih ah chang pakhui gui la ghangpughang gui naw ning m’htei khai gui. Kei, Bawipa naw ka ning hun la Israel gui ah m’gäi ah m’gäi ciah khanpughi naw aning m’hlawt cu, nang naw na hmat khai.

JEREMIAH 16:1

Bawipa naw na ng’thu püi ba mä ne, a pyen cu,

JEREMIAH 20:13

Bawipa ah ng’äi m’cu vä! Bawipa cu m’hlüm tai vä! Ani naw chang ah shedam nak gui cu, changshe gui ah huham ung ka gung gui ci nei.

JEREMIAH 31:11

Kei naw Israel ah chang cu ka k’phiawn gui ci, m’gäi ciah pakhui ungka ka hun gui ci.

JEREMIAH 38:28

Cun kawn ah kei cu Jerusalem ami khäm güt mang im väng ung na tha ci gui.

JEREMIAH 39:11

Cun ung phi Ghangpughang Nebukhadnezzar naw gabawi Nebuzaradan cu thumkhän ne, Shin ah ng’thukbäi apeik gui vai ah pyen ci.

JEREMIAH 39:12

“Hteit ne Jeremiah hmu neta ak ni ah m’hter ä. Akna ah kä na bi vai, cun ung phi angyak hlü phang nami bi pek vai.”

DANIEL 3:17

Keimi naw kami khawihnah ah Khanpughi naw, mei caang ung la nang ah huhma ung, ana hun gui hning ung na hun gui khai nei.

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.